Sixten Jernberg
Edy Sixten Jernberg (6.
februar">6. februar 1929–14. juli 2012) var ein svensk langrennsløpar. Han var ein av Sveriges mestvinnande langrennnarar gjennom alle tider, med ni OL-medaljar og seks VM-medaljar. Mellom 1956 og 1964 vann han eitt individuelt gull i kvar av dei tre olympiske vinterleikane og to ski-verdsmeisterskapane som vart arrangert. Fire gull kom på femmila, medan han i 1960 under vinter-OL i Squaw Valley vann 30-kilometeren. Dessutan var han med på dei svenske stafettlaga som vann VM-gull 1962 og OL-gull 1964.
| Sixten Jernberg | |
|
| |
| Statsborgarskap | Sverige |
| Fødd | 6. februar 1929 Lima församling |
| Død | |
| Idrett | langrenn |
| Tok del i | Ski-VM 1954, 1955 Vasaloppet, Langrenn under Vinter-OL 1956 – 15 kilometer menn, cross-country skiing at the 1956 Winter Olympics – men's 50 kilometres, cross-country skiing at the 1956 Winter Olympics – men's 4 × 10 kilometre relay, cross-country skiing at the 1956 Winter Olympics – men's 30 kilometres, Ski-VM 1958, cross-country skiing at the 1960 Winter Olympics – men's 15 kilometre, cross-country skiing at the 1960 Winter Olympics – men's 30 kilometre, 1960 Vasaloppet, Ski-VM 1962, cross-country skiing at the 1964 Winter Olympics |
| Utmerkingar | |
Karriere
Jernberg var frå Lima i Malungs kommune i Dalarna og var heile si tid som aktiv medlem av Lima IF. Han vann femten individuelle gull under svenske meisterskap, og var med å sikre idrettslaget frå heimstaden fem SM-gull i 3x10 km stafett. Han døydde i Mora.
Medaljar i internasjonale meisterskap
- Ski-VM 1954 i Falun: Bronsemedalje på 4 x 10 km stafett
- Vinter-OL 1956 i Cortina d'Ampezzo: Gullmedalje på 50 km, sølvmedalje både på 15 km og 30 km, bronsemedalje på stafetten
- Ski-VM 1958 i Lahti: Gullmedalje på 50 km og stafetten, bronse på 30 km
- Vinter-OL 1960 i Squaw Valley: Gullmedalje på 30 km, sølvmedalje på 15 km
- Ski-VM 1962 i Zakopane: Gullmedalje på 50 km og på stafetten
- Vinter-OL 1964 i Innsbruck: Gullmedalje på 50 km og på stafetten, bronsemedalje på 15 km
Gullmedaljar i svenske meisterskap
- 1955: 15 km og 50 km
- 1956: 15 km, 50 km og 3x10 km stafett
- 1957: 15 km, 30 km, 50 km og 3x10 km stafett
- 1958: 15 km
- 1959: 15 km og 3x10 km stafett
- 1960: 15 km, 30 km, 50 km og 3x10 km stafett
- 1961: 15 km, 30 km og 50 km
- 1964: 3x10 km stafett
Jernberg vann Vasaloppet i 1955 og 1960. Han vart tildelt Svenska Dagbladets gullmedalje i 1956 og Holmenkollmedaljen i 1960.
Kjelder
Bakgrunnsstoff
- Sixten Jernberg i olympedia.org
This article uses material from the Wikipedia Nynorsk article Sixten Jernberg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.