Sigurd Rushfeldt (fødd 11.
desember 1972) er ein norsk tidlegare fotballspelar frå Vadsø. Med 172 nettkjenningar i norsk eliteserie er han den spelaren som skåra flest mål i toppdivisjonen i Noreg. Han har vorte noregsmeister med Tromsø IL, seriemeister med Rosenborg Ballklub og vunne både serie- og cuptriumfar med Austria Wien. Rusheldt spelte 38 landskampar i tida 1994-2007.
Sigurd Rushfeldt | |
Statsborgarskap | Noreg |
Fødd | 11. desember 1972 (51 år) Vadsø kommune |
Idrett | fotball |
Tok del i | VM i fotball 1994 |
Utmerkingar | Finnmark fylkes kulturpris, Kniksenprisen for årets angrepsspiller, Kniksens hederspris, Årets tromsøværing |
Rushfeldt var Tromsø-spelar i åra 1992-96. I 1996 vart han cupmeister med Tromsø IL, han skåra sigersmålet i sluttsekundane. Frå 1997 til hausten 1999 spelte han for Rosenborg Ballklub og vart toppskårar i eliteserien både 1997 og 1998. Eit par sesongar, 1999-2001, spelte Rushfeldt i spanske Racing Santander. Vårsesongen 2001 hadde han eit mellomspel i Rosenborg, før han om sommaren vart overført til Austria Wien. Dei neste fem seongane hadde han stor suksess med den austerrikske klubben, Austria Wien vart nasjonal seriemeister i 2003 og 2006 og cupvinnar i 2003, 2005 og 2006. Sesongen 2004/05 vart han vald til året spelar i den austerrikske toppserien. Sommaren 2006 vart Rushfeldt Tromsø-spelar på ny, no for ein periode på fem-og-eit-halvt år. Midtvegs i sin siste eltesesong, 2011-sesongen, tok han rekorden som den mestskårande i norsk seriefotball på toppnivå. I alt skåra Rushfeldt 99 seriemål for Tromsø og 73 for Rosenborg.
Rushfeldt spelte 38 landskampar frå debuten i 1994, til han avslutta landslagstida i 2007. Ettersom han tevla om spissplass med karar som Ole Gunnar Solskjær og Tore Andre Flo, måtte han slite landslagsbenken i dei fleste av dei 13 åra han var landslagsaktuell. Rushfeldt skåra 7 landslagsmål.
Sigurd Rushfeldt og Morten Gamst Pedersen vart tildelt Finnmark fylkeskommune sin kulturpris for 2006. Rushfeldt er fetter til Lars Bohinen og svoger til fotballtrenaren Ronny Deila.
This article uses material from the Wikipedia Nynorsk article Sigurd Rushfeldt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.