Partia eller partarriket (persisk اشکانیان, Ashkâniân, gresk Παρθία, latin Parthia) var eit oldtidsrike med kjerne søraust for Kaspihavet, i den noverande iranske provinsen Khorasan.
Riket kontrollerte Mesopotamia mykje av tida mellom 190 f.Kr. og år 224.
Partarane brukte det mellomiranske språket partisk, som var offisielt språk i riket.
Partarane var ein iransk stamme, opphavleg nomadar frå Sentral-Asia, som hadde slått seg ned i Persia. Dei var underlagd Persar- og seinare Selevkideriket. Under Selevkos II erklærte satrapen Andragoras Partia som sjølvstendig (ca. 255 f.Kr.). Kort tid seinare blei han styrta av Arsakes I som grunnla Arsakide-dynastiet og den partiske forfatninga. Etter han hadde alle dei partiske herskarane namnet Arsakes, men dei hadde også personlege namn. Den største og mest berømte av dei eldre arsakidiske monarkane er Mitridates II (d. 88 f.Kr.), som utvida riket så det strekte seg frå Indus til Eufrat.
This article uses material from the Wikipedia Nynorsk article Partia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.