Pampas (gjennom spansk frå quechua, 'slette') er namnet på eit tørt, grasdekt sletteområde i Sør-Amerika.
Pampasen ligg hovudsakleg i Argentina mellom Rio Negro, Atlanterhavet, munningen av La Plata, Rio Paraná og Chaco, men strekkjer seg også inn i Uruguay og i Rio Grande do Sul i Brasil.
Pampaslandet er gammal havbotn som blei heva i tertiærtida og dekt av veldige elveavleiringar. Oppå desse blei det tilført løsslag av steppevindane. Dei øvste delane av pampasen er rikt innsette med humus og er dermed svært fruktbare. Overflata er jamn og klimaet mildt. Årleg nedbør er på rundt 500–900 mm og er størst ved kysten. Vintrane er tørre og har ein månadstemperatur mellom 8 og 25 °C.
Pampasen er eit økonomisk kjerneområde for Argentina. Både klima og jordsmonn passar godt for vekstar som kveite, mais, lin, soyabønner, potet og vindruer. Kveghald er også viktig. Ein held store flokkar som tradisjonelt blir gjeta av gauchoar, og har stor kjøtproduksjon.
This article uses material from the Wikipedia Nynorsk article Pampas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.