Pål Schjetne

juni">6. juni 1953) er ein norsk, tidlegare kombinertløpar frå Trondheim. Han vart noregsmeister i øvinga i 1974 og tok elles to NM-sølv. Schjetne representerte Redalen Idrettslag.

Atten år gamle Schjetne imponerte då han vinteren 1972 tok NM-sølvet, bakom Kåre Olav Berg. I 1973 vann han junior-VM i kombinert i Toksovo ved Leningrad i Sovjetunionen. Under NM på ski i 1974 tok han sin einaste NM-tittel, då han i Selbu slo Arne Bystøl med knappe to poeng. Same sesongen kom Schjetne på 9. plass under verdsmeisterskapen i Falun. To år seinare kopierte han denne prestasjonen med ein ny niandeplass under vinter-OL i Innsbruck. Hans beste internasjonale resultat var tredjeplassen i Lahti i 1975, eit renn som vart vunne av verds- og olympiameisteren i kombinert, Ulrich Wehling.

Besteplasseringar i internasjonale meisterskap og renn

• 1974: Nr 9 i ski-VM 1974 i Falun og nr 6 i Holmenkollen
• 1975: Nr 3 i Lahti, nr 6 i Holmenkollen
• 1976: Nr 4 i Falun, nr 9 i vinter-OL i Innsbruck
• 1978: Nr 10 i Holmenkollen

Medaljar og besteplasseringar i noregsmeisterskap

• Ski-NM 1972: Sølvmedalje i Trondheim
• Ski-NM 1973: Nr 5 på Lillehammer
• Ski-NM 1974: Gullmedalje i Selbu
• Ski-NM 1975: Sølvmedalje i Rælingen
• Ski-NM 1977: Nr 4 på Vang

• Sportsboken, aktuelle årgangar

• Pål Schjetne i fis-ski.com
• Pål Schjetne i olympedia.org