Orihuela (spansk) eller Oriola (valenciansk) er ein by og ein kommune i provinsen Alicante i Spania.
Byen Orihuela har kring 35 000 innbyggjarar, medan kommunen har kring 85 000 innbyggjarar. Kommunen strekkjer seg langs kysten av Middelhavet, vest for Torrevieja. I kommunne ligg òg turistsenteret (urbanizacion turistica) Dehesa de Campoamor med kring 20 000 innbyggjarar, samt eit par andre landsbyar.
Orihuela | |||||
---|---|---|---|---|---|
| |||||
Plassering | |||||
Styresmakter | |||||
Land | Spania | ||||
Autonom region | Valencia | ||||
Provins | Alicante | ||||
Borgarmeister | Mónica Lorente | ||||
Geografi | |||||
Flatevidd - By | 365,44 km² | ||||
Innbyggjarar - Totalt (2008) - folketettleik | 84 626 231,6 /km² | ||||
Koordinatar | 38°5′N 0°56′W / 38.083°N 0.933°W | ||||
Høgd over havet | 24 moh | ||||
Diverse annan informasjon | |||||
Postnummer | 03300 | ||||
Nettstad: www.orihuela.es |
Elva Segura renn gjennom byen. Byen var busett av romarane, som kalla han Orcelis og seinare Aurariola.
Orihuela er hovudstaden i regionen «Vega Baja del Segura» (naturregionen rundt Segura). Han har òg vore hovudstad i ein provins og eit kongedøme. Byen vart den første med bystatus i provinsen Alicante 11. september 1437.
I 576 var byen hovudstad i den vestgotiske provinsen Aurariola, som har gjeve namn til byen. I 713 erklærte soldaten og greven Teodomiro seg sjølv konge av Tudmir.
I 825 vart Kongedømet Tudmir eit sjølvstendig kongedøme under umayyadane og hovudstaden vart flytta til Murcia. I 910 vart kongedømet Tudmir gjeve til emiratet Cordova. I 1053 vart fyrstedømet Murcia skapt som ein del av kongedømet Denia. I 1086 vart fyrstedømet Murcia sjølvstendig frå Denia. I 1212 vart området ein del av kongedømet Murcia.
I 1304 var Orihuela ein grenseby mellom kongedøma Castilla og Aragón. I 1366 kom han under Kongedømet Valencia.
I 1437 fekk han bystatus og i 1707 gjorde Karl V av Det tysk-romerske riket han til hovudstad i provinsen Orihuela. I 1737 vart Alicante, Elche, Monforte, Jijona, Villajoyosa, Agost, Busot, San Juan eller Muchamiel sjølvstendige frå provinsen Orihuela, og danna Alicante.
I 1799 vart òg Orihuela ein del av provinsen Alicante. I 1810 gjorde Napoleon Orihuela til ein del av departementet Segura der Murcia var hovudstad. Orihuela vart ein del av provinsen Murcia i 1822, og i 1833 vart han igjen ein del av provinsen Alicante.
This article uses material from the Wikipedia Nynorsk article Orihuela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.