Old Trafford
Old Trafford er heimebana til den engelske fotballklubben Manchester United, og ligg i byen Manchester, nordvest i England.
Den er det einaste stadionet i dei fire øvste divisjonane i England som aldri har fått eit offisielt namn, men blir kalla Old Trafford etter staden der den ligg.
Old Trafford, som også er kjend som The Theatre of Dreams, har vore Manchester Uniteds heimebane sidan 19. februar 1910. Stadion blei bomba under den andre verdskrigen, og United måtte derfor spele på Manchester Citys heimebane, Maine Road, til gjenoppbygginga blei fullført i 1949.
Old Trafford har nest størst publikumskapasitet av alle engelske fotballstadiona, med plass til over 76 000 tilskodarar. Berre nye Wembley er større. 13. januar 2007 blei det sett ny publikumsrekord i Premier League med 76 000 tilskodarar på Old Trafford. Old Trafford er med god margin Storbritannias største klubbstadion. Speleflata er på 106 x 69 meter. Stadionet brukast ofte til semifinalekampar i FA-cupen (om Manchester United ikkje er involvert), og mens nye Wembley er under bygging, har det vorte spelt fleire landskamper her. Finalen i Champions League blei spelt her i 2003. Stretford End er tribunen der heimetilhengjarane sitt.
Fotballbana ligg i nærleiken av ei kjend cricketbane med same namn.
Bakgrunnsstoff
Fotballstadionar i FA Premier LeagueAnfield | Boleyn Ground | City of Manchester Stadium | Craven Cottage | Emirates Stadium | Ewood Park | Fratton Park | Goodison Park | JJB Stadium | Madejski Stadium | Old Trafford | Pride Park Stadium| Reebok Stadium | Riverside Stadium | St. Andrews Stadium | St James' Park | Stadium of Light | Stamford Bridge | Villa Park | White Hart Lane
This article uses material from the Wikipedia Nynorsk article Old Trafford, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.