Meroe

Han var hovudstad i Kusjriket i fleire hundreår. Byen ligg rund 6 km nordaust for Kabushiya stasjon ved Shendi, rundt 200 km nordaust for Khartoum. Nær staden ligg ei landsbyklynge som heiter Bagrawiyah. Pyramidane, tempel og slott og restar etter keramikk- og jernproduksjon ber vitne om eit rikt og mektig rike. I 2011 blei Meroe teke med på UNESCO si liste over verdsarv.

Archaeological Sites of the Island of Meroe

Kusjittiske pyramidar ved Meroe
Land	Sudan
	Innskriven ved UNESCOs 35. sesjon i 2011. Referansenr. 1336.
Kriterium:	II, III, VI, V
Sjå òg	Verdsarvstader i Afrika
Bakgrunnsstoff	Archaeological Sites of the Island of Meroe ved unesco.org

Meroe blei grunnlagd på 700-talet f.Kr. Han blei kongeleg bustad på 600-talet f.Kr. På 500-talet blei hovudstaden for kongeriket flytta hit frå Napata lengre nord. Grunnar kan vera trugsmålet frå Egypt i nord, eller dei rike jernførekomstane ved Meroe. Frå 200-talet f.Kr. blei dei fleste kongelege i Kusjriket gravlagde her, fleire av dei i pyramidar. I 335 blei Meroe erobra og øydelagd av kong Ezana av Aksum.

Byen hadde ein omfattande jernproduksjon. Ved ruinane ligg høge slagghaugar som framleis vitnar om ein av dei største jernprodusentane i oldtida.

•  
  Relieff frå tempelet til kong Amanitenmomide.
•  
  Utskjeringar ved pyramide N12.
•  
  Ring som tilhøyrde dronning Amanishakheto.
•  
  Skulptur frå Meroe
•  
  Oljelampe i bronse
•  
  Steintøykrukke frå Meroe.