Magic Av Olivia Newton-John

«Magic» er ein song frå 1980 som vart ein hit for Olivia Newton-John frå albumet til filmen Xanadu. Songen nådde toppen av Billboard Hot 100-lista, der han låg i fire veker frå 2. august 1980. Han nådde òg fjerdeplassen på den australske lista og 32. plass i Storbritannia.

«Magic» vart den største Adult Contemporary-hitten til Newton-John, og den største pophitten hennar fram til «Physical» låg på toppen av Hot 100 i ti veker i 1981. Magasinet Billboard rangerte «Magic» som den tredje mest populære singelen i 1980, berre bak «Call Me» av ondie og «Another Brick in the Wall, Part II» av Pink Floyd.

• MCA vinylsingel

1. "Magic" – 4:25
2. "Fool Country" – 2:29

• Jet vinylsingel

1. "Magic" – 4:25
2. "Whenever You're Away From Me" – 4:22

«Magic (Peach & Murphy remix)» var ein ny remix av songen frå 1980. I mai 2011 vart songen miksa av to australiarar, DJ Dan Murphy og Steve Peach , som laga ein ny dance-versjon av songen. Newton-John song ny vokal på songen. Inntektene av singelen gjekk til den humanitære gruppa WACCI.

Det vart laga ein musikkvideo for den nye miksen i Sydney i Australia og i eit forsøk på kome inn i Guinness rekordbok for største besetning i ein musikkvideo, vart det nytta 350 personar. Newton-John er ikkje med i videoen.

Lister

• Ein ny versjon av songen av Stimulator vart nytta i reklamar for Macy's. Denne versjonen vart òg nytta i filmen Ella Enchanted.
• Sanna Nielsen spelte ein versjon av songen i 2008 på Stronger.
• Songen vart òg framført i musikalversjonen av Xanadu.
• Songen er med ei kort stund i fjernsynsserien Glee.
• Ein versjon av songen vart sungen av Meaghan Jette Martin for Disney Channel-filmen Wizards of Waverly Place: The Movie.
• Ein versjon av Louise Tollson er med i filmen Gas Food Lodging.