1963 Mf «Melderskin»

«Melderskin» hadde plass til 22 personbilar. På overbyggingsdekket, bak brua, var det ein utsiktssalong med sitteplass til 38 passasjerar, og eit stort soldekk. Under bildekket var òg ein salong, med sitteplass til 56 passasjerar. Salongen nede hadde kjøkken og serveringskiosk med kjøle og smørbrøddisk. Alle offisers- og mannskapslugarane var forut, under bildekket, totalt 7 einmannslugarar, ein tomannslugar og dusj. På bildekket var det billettkontor, postkontor og tre toalett.

Ferjeruter

• 1963-1965: Kinsarvik-Kvanndal (sommarrute)
• 1966-?: Brimnes-Bruravik (sommarrute)
• 1967-1970: Gjermundshamn-Varaldsøy-Løfallstrand
• ? - ?: Fjelberg-Utbjoa-Leirvik
• 1977; 1979-1984: Flatråker-Huglo-Jektevik
• ? - ?: Bjorøy-Alvøen
• ? - 1995: Tørvikbygd-Jondal

Ho vart òg nytta mykje som reserveferje i diverse ruter.

Seinare fart

I mars 1995 vart ho seld til Fergekroen AS (Skarpsno Driftsselskap AS, Oslo), Bergen og fekk namnet «Fergekroen». Ho vart ombygd året etter til eit restaurantskip. I september 1997 vart ferja seld til Schrøder Restaurant i Oslo. Frå 1996 til 2000 låg restaurantskipet ved Aker Brygge i Oslo. I august 2000 til Lysthuset i Moss og namnet vart endra til «Lystbåten». Ferja vart vidare seld til Kanalen Restaurantdrift i Moss i juni 2003. 26. oktober 2008 sokk ferja i hamna i Moss. Båten vart heva i februar 2009. I 2009-2010 låg ferja i opplag i Moss, men vart i mars 2009 kjøpt av Rygge Vaaler Sparebank 1 Moss. I september 2010 vart den gamle ferja slept til Horten, og vart sidan observert ved Drammen Slipp i Drammen for opphogging. Hausten 2014 sokk ferja ved kai i Drammen. Ferja hadde vore lekk og pumper vart nytta til å pumpe ut vatn, men under eit straumbrot tok ferja inn for mykje vatn.

• Skipet.no
• Melderskin på Fjordfähren (tysk) Arkivert 2014-10-28 ved Wayback Machine.
• HSD Posten (1963). «M/F Melderskin». HSD Posten (på norsk) (7 og 8): 3-7.