Månaden Mars: Den tredje månaden i juliansk og gregoriansk kalender

Han er kalla opp etter den romerske guden Mars. Romarane kalla månaden martius, og ettersom Mars var krigsguden, meinte dei dette var ei god tid å starta krigar på.

Opphavleg var mars den første månaden i året. Vårjamdøgn, som markerer byrjinga av våren på den nordlege halvkula, kjem rundt 21. mars. Dette blei sett på som ei naturleg tid for eit nytt år å ta til, og nyttårsfeiringa var lenge feira på denne tida. Nokre samfunn feirar framleis nyttår rundt vårjamdøgn.

Då Julius Cæsar laga den julianske kalenderen i å 45 f. Kr., flytta han årsskiftet til byrjinga av januar, men mange land heldt lenge på den gamle tradisjonen med nyttårsfeiring i mars. I Frankrike blei mars den tredje månaden i 1564, medan Storbritannia og det britiske imperiet venta heilt til 1752.

Dei fleste europeiske språk har i dag eit namn på mars som minner om det latinske martius, til dømes maart på nederlandsk, mars på fransk eller marzo på spansk.

I tidlegare tider kalla ein gjerne mars for vårmånad i Sverige, tordmåned (avleia av Tor) i Danmark, og bjørkmånad på dei fleste slaviske språka.

• Gammalgresk: Anthesterion.
• Japansk: Sangatsu (tredje månad), yayoi (tradisjonelt namn)
• Finsk: Maaliskuu
• Kroatisk: Oujak

• Dei som blir fødde tidleg i mars har stjernebiletet fiskane, og dei som blir fødde seinare har vêren .
• Mars byrjar på same dag som november kvart år, og på same dag som februar så lenge det ikkje er skotår.

• Mange land feirar morsdag
• Vasaloppet blir arrangert den første sundagen i mars
• St. Patrick's Day den 17. mars for irar i heimlandet og andre stader
• Verdas søvndag fell på den andre fredagen i månaden