Lysstyrke

Eininga for lysstyrke er candela (cd) og er ei av grunneiningane i SI-systemet. 1 candela er lysstyrken i ein viss retning frå ei kjelde som sender ut monokromatisk stråling med frekvens 540 · 10¹² hertz og med strålingsstyrke i den gjevne retning på 1/683 watt/steradian.

Lysstyrken til monokromatisk lys med ei viss bølgjelengd λ er gjeven av

${\displaystyle I_{\mathrm {v} }=683\cdot {\overline {y}}(\lambda )\cdot I_{\mathrm {e} },}$ 

der

I_v er lysstyrken i candelas (cd),
I_e er strålingsintensiteten i watt per steradian (W/sr),
${\displaystyle \textstyle {\overline {y}}(\lambda )}$  er standard luminositetsfunksjon.

Om det finst meir enn ei bølgjelengd (som vanlegvis er tilfelle), må ein summere eller integrere over spekteret av bølgjelengder for å få lysstyrken:

${\displaystyle I_{\mathrm {v} }=683\int _{0}^{\infty }{\overline {y}}(\lambda )\cdot {\frac {dI_{\mathrm {e} }(\lambda )}{d\lambda }}\,d\lambda .}$ 

• lysmåling

• lysstyrke. (28.02.2013) I Store norske leksikon. Henta frå: http://snl.no/lysstyrke