Lungefiskar (Dipnoi) er ein underklasse av kjøtfinnefiskar som har lunger i tillegg til gjeller.
Lungefiskar | |
Systematikk | |
Underrekkje: | Virveldyr Vertebrata |
Infrarekkje: | Kjevemunnar Gnathostomata |
Megaklasse: | Beinfiskar Osteichthyes |
Overklasse: | Kjøtfinnefiskar Sarcopterygii |
Overorden: | Lungefiskar Dipnoi Müller, 1845 |
Dei få artane i gruppa som lever i dag er særs spesialiserte. Lungefiskane er avhengige av atmosfærisk oksygen i tillegg til oksygenopptaket gjennom gjellene. Dei har òg visse trekk i hovudskallen som skil dei frå andre fiskar, og ein symmetrisk skjelettbygnad i halen.
Fossile lungefiskar er kjende frå devon og hadde då ei vid utbreiing på jorda. I denne perioden fanst ei rad til dels klart ulike typar lungefiskar, men sams for alle var dei lange og kvastforma para finnane. Desse lungefiskane hadde òg utvikla kraftige og flate knusetenner som sat på ganen, og kranietaket var dekt av eit høvesvis stort tal småe knoklar. Lungefiskane var talrike i devon, men i karbon og perm var dei gått sterkt attende i talet på artar og vart samstundes meir og meir like lungefiskane som lever i dag.
«lungefisk» i Store norske leksikon, snl.no. Henta 16. juni 2017.
This article uses material from the Wikipedia Nynorsk article Lungefiskar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.