Lincolnshire (forkorta Lincs) er eit grevskap aust i England.
Det grensar til Norfolk, Cambridgeshire, Rutland, Leicestershire, Nottinghamshire, South Yorkshire og East Riding of Yorkshire. Det har òg ei 19 meter lang grense mot Northamptonshire, den kortaste grevskapsgrensa i England. Administrasjonsbyen er Lincoln, der grevskapsrådet har hovudsetet sitt.
Lincolnshire | |
---|---|
Geografi | |
Status | Seremonielt og ikkje-metropolitansk grevskap |
Opphav | Historisk |
Region | Aust-Midlands (North Lincolnshire og North East Lincolnshire ligg i Yorkshire and the Humber) |
Areal | 6 959 km² |
Demografi | |
Folketal - Totalt (2008) - Folketettleik | 1 016 600 146,1 /km² |
Etnisitet | 98,5 % kvite |
Distrikt | |
|
Det seremonielle grevskapet Lincolnshire består av det ikkje-metropolitanske Lincolnshire og område dekte av dei sameinte styresmaktene North Lincolnshire og North-East Lincolnshire. Grevskapet er det nest største i England ut frå areal og er dominert av jordbruksområde.
Grevskapet er vidare delt inn i fleire geografiske område, som Lincolnshire Fens (Sør-Lincolnshire), the Carrs (liknande the Fens, men nord i Lincolnshire), Lincolnshire Wolds og det industrielle Humber-estuaret og kysten av Nordsjøen rundt Grimsby og Scunthorpe.
Lincolnshire oppstod då kongedømet Lindsey vart slått saman med Stamford, som var under Danelagen. Heile grevskapet heitte ei tid Lindsey og står oppført med dette namnet i Domesday Book (1086). Seinare vart Lindsey berre brukt som namn på den nordlege kjernedelen, rundt Lincoln. Grevskapet vart delt i tre distrikt, Lindsey, Holland og Kesteven.
I 1888 vart grevskapsråd innført og dei tre distrikta fekk kvart sitt. Denne ordninga held fram til 1974, då Holland, Kesteven og det meste av Lindsey vart samla som Lincolnshire. Den nordlegaste delen, med byane Scunthorpe og Grimsby vart innlemma i Humberside.
This article uses material from the Wikipedia Nynorsk article Lincolnshire, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.