Liljekonvall: Planteart

Liljekonvall
Liljekonvall
Status
Status i Noreg: Livskraftig
Systematikk
Rike:	Planteriket Plantae
Rekkje:	Karplantar Tracheophyta
Underrekkje:	Frøplantar Spermatophytes
Orden:	Aspargesordenen Asparagales
Familie:	Aspargesfamilien Asparagaceae
Underfamilie:	Nolinoideae
Slekt:	Liljekonvallslekta Convallaria
Art:	Liljekonvall C. majalis
Vitskapleg namn
Convallaria majalis L., 1753

Konvallfamilien var tidlegare rekna som ein eigen familie, Convallariaceae.

Liljekonvallen har ein lang, greina jordstengel med nokre få, kraftige røter. Over jorda har han skot med eit par raudfiolette lågblad og to store grøne blad med bogeforma nervar. Dei kvite hengande klokkeblomstrane sit i hjørnet av bitte små skjelforma høgblad.

Frukta vert eit raudgult bær som er delt i tre rom. Bæret er, som resten av planten, giftig.

Liljekonvallen lukter godt, og både lukta og utsjånaden gjer han til ein populær bukettblome.

Liljekonvallen veks i småskog og solvarme lier, i Noreg nord til Dønnes og Nord-Rana. På Hardangervidda veks han opp i 1245 meters høgd.

Liljekonvallen er noko basekrevjande, slik at han ikkje trivst på sur jord.

Namnet liljekonvall er ei litterær nylaging, henta frå det gamle latinske namnet på planten, som første gong vart nytta for snart 500 år sidan, Lilium convallium, som omsett tyder 'lilja frå dalane'. Eit gammalt folkeleg norsk namn var rams.

Liljekonvallen er fylkesblomster i Østfold og nasjonalblomster i Finland.

• (no) liljekonvall hos Artsdatabanken 
• (en) liljekonvall i Encyclopedia of Life 
• (en) liljekonvall i Global Biodiversity Information Facility 
• (sv) liljekonvall hos Dyntaxa 
• (en) liljekonvall hos ITIS 
• (en) liljekonvall hos NCBI 
• (en) liljekonvall hos The International Plant Names Index 
• (en) liljekonvall hos Tropicos 
• (en) Kategori:Convallaria majalis – bilete, video eller lyd på Wiki Commons 
• (en) Convallaria majalis – galleri av bilete, video eller lyd på Wiki Commons 
• Convallaria majalis – detaljert informasjon på Wikispecies