League Of Legends: Dataspel frå 2009

Det er utvikla og publisert av Riot Games for både Microsoft Windows og Mac og blei først annonsert den 7. oktober 2008, og utgjeve 27. oktober 2009. Spelet var i lukka «beta» frå 10. april 2009 til 22. oktober 2009, og blei omgjord til open «beta» fram til sleppdato. Det har henta mykje av inspirasjonen sin frå Defense of the Ancients (DOTA).

League of Legends
Utviklar(ar)	Riot Games
Utgjevar(ar)	Riot Games, Tencent, THQ, Garena
Distributør	Riot Games, Epic Games Store
Serie	League of Legends
Siste versjon	14.6
Plattform(er)	macOS, Microsoft Windows, Android, iOS, TGP Box
Utgjeving	27. oktober 2009
Sjanger	MOBA
Spelemodus	fleirspelar, samarbeid
Aldersgrense	PEGI 12
Nettstad	https://www.leagueoflegends.com/
Del av serien League of Legends⠀

Mål

Målet med spelet er å få eit overtak over motstandarane dine med å overliste dei i spelet på forskjellige måtar. Til slutt kan spelet vinnas på to måtar: enten viss du øydelegg basen til fienden eller om dei gjer opp spelet.

Arenaer

Spelet har fire ulike arenaer eller kart som kan bli spelt i ulike modusar. Alle arenaene er speila på kryss over midten for å skape ein rettferdig balanse uansett kva sida du kjempar på.

Hovudarenaen Summoners Rift er den største og det er mogeleg å spele alt ifrå to stykk i costume mode til tolv stykk i Hexakill mode. Denne arenane består av tre vegar (også kalla lanes) saman bunde av ein jungel med småvegar. Langsmed kvar hovudveg står det til saman seks turrets og to inhibitors Denne bana har også «Neutral Mob Camps», dette er monster som spelarane kan drepe for å få gull og spesielle fordelar. Begge sidene har fem identiske «Mob Camps» og imellom dei to sidene er det to felles som kvar side må kjempe om.

Roller

Dei forskjellige karakterane som blir kontrollert av spelarane som har ulike roller. I «Top lane» går det ein champion aleine, og har ansvar for å halde motstandaren under kontroll. I «Mid lane» er det mykje det same, men denne spelaren har også ansvar for å hjelpe dei andre spelarane. I den siste lanen «Bot lane» går spelarane som oftast to og to. Den eine rolla blir kald for ADC (Attack Damage Carry). Denne spelaren har ansvar for å få mest mogeleg gull, han skal sørgje for at laget for mest mogelege angrepstyrkje når lagane går imot kvarandre. Den andre rolla som blir spelt botlane er Support. Den som spelar Support han ansvar for å hjelpe han som spelar ADC og verne han frå dei andre spelarane. Det er også ein spelar som ikkje oppheld seg i nokon av dei tre lanene. Denne spelaren blir kald ein «Jungler». Denne spelaren sin oppgåve er å skaffe seg gull ved å drepe dei nøytrale monstera imellom lanene. Denne spelaren har også hovudansvaret for å hjelpe dei andre lanene.

• euw.leagueoflegends.com

  Commons har multimedium som gjeld: League of Legends

• Offisiell nettstad