Las Palmas De Gran Canaria

Byen ligg nordaust på Gran Canaria, om lag 150 km utanfor nordvestkysten av Afrika i Atlanterhavet. Nabokommunane er Arucas, Santa Brígida og Telde. Hamna heiter Puerto de la Luz.

Las Palmas de Gran Canaria
Utsyn over Las Palmas
Flagget til Las Palmas de Gran Canaria Byvåpenet til Las Palmas de Gran Canaria
Kallenamn «Las Palmas»
Styresmakter
Land Autonom region Provinsar	Spania Kanariøyane Las Palmas
Grunnlagd	24. juni 1478
Borgarmeister	Augusto Hidalgo (i 2018)
Geografi
Flatevidd	100,55 km²
Flatevidd  - By	100,55 km²
Innbyggjarar  - By (2017)    - folketettleik	377 650   3790/km²
Høgd over havet	8 m
Tidssone - Ved sommartid	WET (UTC+0) WEST (UTC+1)
Diverse anna
Heimeside: http://www.laspalmasgc.es
Plassering

Innbyggjartalet er 377 650 (2017). Byen er del av det femte største storbyområdet i Spania med om lag 700 000 innbyggjarar. Per 2010 var Las Palmas den niande største spanske byen. Av byar i Den europeiske unionen som ikkje ligg i Europa, er Las Palmas den største.

Las Palmas vart grunnlagd 24. juni 1478 som Real de Las Palmas av Juan Rejón, leiaren for den kastiljanske hæren som invaderte øyane og gjekk til krig mot dei lokale guanchane (innfødde på Kanariøyane). Han har namn etter dei mange palmetrea som voks her.

I 1492 kom Kristoffer Columbus til byen og var her ei stund før han reiste vidare på den første reisa til Amerika. Han stoppa her òg på veg attende til Spania.

 

I 1883 byrja ein byggja ei moderne hamn ved byen.

I 1927 vart byen den andre hovudstaden på Kanariøyane. Før den tid var berre Santa Cruz de Tenerife hovusdstad.

Hamna, Puerto de la Luz, fekk auka betydning på 1970-talet og tidleg på 1990-talet då Suezkanalen var lukka på grunn av Midtausten-konflikten.

Las Palmas har eit subtropisk klima med sommarlege temperaturar året rundt.

Hamna er stoppestad for mange skip som går i fart mellom Europa og Amerika, og blir årleg vitja av tusenvis av fartøy. Det har bunkersoljelager, og blir også brukt som stoppestad for fiskefartøy og passasjertrafikk. Hovudeksportartiklar frå hamna er mellom anna sement, bananar, tomatar og andre landbruksprodukt. Turisme står for om lag 60 % av økonomien.

Innbyggjartalet er 377 650 (2017). Nær halvparten (45,9 %) av innbyggjarane på øya Gran Canaria og 18,35 % av innbyggjarane på Kanariøyane bur (per 2008) i byen (per 2008).

Inndelinga av Las Palmas er (per 2018):

• Vegueta, Cono Sur y Tafira
• Centro
• Isleta-Puerto-Guanarteme
• Ciudad Alta
• Tamaraceite-San Lorenzo-Tenoya

Her finst fem strender (Las Canteras, Las Alcaravaneras, San Cristobal, El Confital og La Laja).

Det årlege karnivalet i Las Palmas de Gran Canaria er ein av dei største attraksjonane i byen.