Krageflagellatar eller choanoflagellatar er ei gruppe fastsitjande protozoar med flagell.
Krageflagellat | |
Monosiga brevicollis | |
Systematikk | |
Klasse: | Krageflagellat Choanoflagellatea Cavalier-Smith, 1998 |
Dei er merkverdige mest på grunn av at dei vert rekna som den gruppa eincella organismar som er nærast i slekt med dei fleircella dyra, noko ein ser både via gensekvensar og ved å samanlikna dei med somme cellar i svampedyr.
Krageflagellatar finst både som reint eincella og i koloniar. Cellene er avlange med ei einskildflagelle dei nyttar til å danna ein virvelstraum med. Denne straumen førar bakteriar og andre matpartiklar ned i kragen, som består av microvilli og fungerer som eit slags fiskegarn.
Dette er den same forma for organisering som ein ser i choanocytt-cellene ein finn i svampar. Særleg tydeleg er likskapen i somme koloniale former. Dette har ført til at dei fleste biologar einast om at svampane stammar frå krageflagellatane, bortsett frå somme som trur det er omvendt - at krageflagellatane er sterkt reduserte svampar. DNA-analyser tyder på den første hypotesen.
This article uses material from the Wikipedia Nynorsk article Krageflagellat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.