Konjakk, fransk: cognac, er ein type druebrennevin oppkalla etter byen Cognac i Frankrike, der drykken vert produsert og lagra i lang tid (minimum to år) på fat av eik for å få den særeigne konjakksmaken.
Brennevinet må vere produsert i regionen ikring byen Cognac for å kunne kallast cognac. Tilsvarande druebrennevin frå andre område eller land må ha andre nemningar, og då vert det ofte nytta nemningar som til dømes det engelske ordet brandy, eller den franske nemninga eau de vie.
Konjakk vert ofte delt inn i tre ulike gradar, etter alder:
VS (Very Special) – lagra minimum 2–4 år på eikefat
VSOP (Very Superior Old Pale) – lagra 4-6 år på eikefat
XO (Extra Old) – lagra minimum 6 år på eikefat
Nordmenn er eit av verdas mest konjakkdrikkande folk. Særleg i Midt-Noreg, Nordland, Troms og Finnmark vert det seld mykje av dette brennevinet.
Det er fleire konjakkar med norsk tilknyting, mellom dei Larsen Cognac frå Braastad.
This article uses material from the Wikipedia Nynorsk article Konjakk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.