Hoochie Coochie Man

«Hoochie Coochie Man» (stundom kalla «(I'm Your) Hoochie Coochie Man») er ein bluesstandard skriven av Willie Dixon og først framført av Muddy Waters i 1954. Songen vart ein stor hitt då han kom ut og nådde 8. plass på Billboard si R&B-liste. Introen og verset på Muddy Water-versjonen består av stop-time. I følgje ei soge av Dave Van Ronk, sa Muddy Waters at songen er meint å ha ein komisk effekt.

Songen vart innlemma i Blues Hall of Fame i 1984. Songen vart gjeven ein Grammy Hall of Fame Award i 1998. Songen er på lista til Rock and Roll Hall of Fame over dei 500 songane som forma Rock and Roll. Songen er òg på 225. plass på lista til Rolling Stone over dei 500 største songane gjennom tidene, stemnd fram av representantar frå musikkpressa og musikkindustrien.

På originalinnspelinga frå januar 1954 spelar

• Muddy Waters – solovokal, gitar
• Little Walter – munnspel
• Otis Spann – piano
• Jimmy Rogers – gitar
• Willie Dixon – bass
• Fred Below – trommer

Hoochie coochie var ein seksuelt pirrande dans som vart særs populær under og etter verdsutstillinga i Chicago i 1893. Sidan dansen vart framført av kvinner, var ein «hoochie coochie man» ein som anten såg på dei eller styrte showet. Alternativt har det ei direkte seksuell tyding for kjønnsleg omgang.

Andre artistar som har spelt inn songen er mellom andre:

• Alexis Korner på R&B from the Marquee (1962)
• Jimmy Smith på Got My Mojo Workin (1962)
• Long John Baldry på Long John's Blues (1964)
• Graham Bond Organisation på The Sound of '65 (1965)
• The Shadows of Knight på Gloria (1966)
• Chuck Berry på Live at the Fillmore Auditorium (1967)
• Tim Hardin på This is Tim Hardin (1967)
• Billy Preston på Club Meeting (1967)
• Jimi Hendrix på BBC Sessions (innspelt 1967, gjeve ut 1998) og The Baggy's Rehearsal Sessions (innspelt 1969, gjeve ut 2002)
• Steppenwolf på Steppenwolf (1968)
• Willie Dixon spelte inn si eiga utgåve i 1969
• Buddy Guy på Buddy and the Juniors (1970)
• The Allman Brothers Band på Idlewild South (1970)
• Freddie King på Woman Across the River (1973)
• The New York Dolls på Seven Day Weekend (1973)
• John Mayall på Primal Solos (1977)
• Eric Burdon (1979)
• FEAR som Lee Ving i filmen Get Crazy (1983)
• Jeff Healey i Road House (1989)
• Supertramp (1988 og 2002)
• Eric Clapton på From the Cradle (1994)
• B. B. King på Original Blues Masters (1997)
• Etta James (1998)
• Fear (band) på American Beer (2001)
• Motörhead på Another Perfect Day [bonusspor] (2001)
• Paul Ubana Jones på Pagan Gold (2001)
• Jon Lord & The Hoochie Coochie Men på Live at the Basement (2003)
• Steven Seagal på Mojo Priest med Thunderbox
• Dion på Son of Skip James (2007).
• John Mayall & the Bluesbreakers på 70th Birthday Concert