Hertfordshire

Hovudbyen er Hertford.

Hertfordshire
Motto: Trust and fear not
Geografi
Status	Seremonielt og ikkje-metropolitansk grevskap
Opphav	Historisk
Region	Aust-England
Areal	1 643 km²
Demografi
Folketal - Totalt (2008) - Folketettleik	1 078 400 656,4 /km²
Etnisitet	88,8 % kvite britar 1,7% irar 3,2% andre kvite 1,6 % indarar
Distrikt
Three Rivers Watford Hertsmere Welwyn Hatfield Broxbourne East Hertfordshire Stevenage North Hertfordshire St Albans Dacorum

Grevskapet er eit av dei såkalla Home Counties og ligg i indre område. Det grensar til Stor-London, Buckinghamshire, Bedfordshire (dei sameinte styresmaktene Luton og Central Bedfordshire), Cambridgeshire og Essex. Hertfordshire er kjend som fødestaden til pave Adrian IV, den einaste paven nokon gong frå Dei britiske øyane.

Store delar av Hertfordshire er ein del av pendlarbeltet til London.

I romersk tid låg ein av dei viktigaste byane i romersk Britannia der, nemleg Verulamium (på same stad som dagens St. Albans).

Hertfordshire var opphavleg det området som var underlagt ei festning som vart bygd i Hertford i 913 under Edward den eldre. Namnet Hertfordshire er nemnt i Den angelsaksiske krønika.

I 1613 vart den menneskeskapte elva New River opna, med startpunkt i Hertfordshire. Ho vart graven ut for å skaffe reint drikkevatn til London.

I 1965 vart Barnet overført til Stor-London, men samstundes vart Potters Bar og South Mimms overført frå Middlesex.

  Wiki Commons har multimedia som gjeld: Hertfordshire

• Offisiell nettstad