Help!

«Help!» er ein song av The Beatles som var tittelsporet på både albumet Help! og filmen Help!. Han vart òg gjeven ut på singel og nådde førsteplassen i mange land, inkludert Noreg, Storbritannia og USA. Songen er hovudsakleg skriven av John Lennon, men tilskriven Lennon/McCartney (som alle Beatles-songar skrivne av desse to). Lennon fortalte seinare at tittelen kom av desperasjon. Musikkmagasinet Rolling Stone plasserte songen på 29. plass på lista si over dei 500 største songane gjennom tidene.

Lennon skreiv teksten til songen for å uttrykke presset på bandet etter den raske vegen til toppen av hitlistene etter fleire år som ukjend band. Sidan Lennon sin utryggleik motsa bilete av Beatles som eit optimistisk og sjølvsikkert band, følte Lennon at det nesten var umogeleg for tilhengjarane å forstå opphavet til songen. Forfattar Ian MacDonald skildrar songen som den første sprekka i skalet som Lennon nytta til å verne kjenslene sine i tida då Beatles vart verdskjende, og at dette var ein viktig milepåle i måten han kom til å skrive songar på.

I 1970 fortalte Lennon at sidan songen var så ærleg var det ein av favorittsongane hans av The Beatles, men han hadde ønskt at dei hadde spelt han inn i eit seinare tempo.

Teksten i songen opnar med «When I was younger, so much younger than today».

• John Lennon – solovokal, akustisk 12-strengs rytmegitar
• Paul McCartney – vokal, bassgitar
• George Harrison – sologitar, korvokal
• Ringo Starr – trommer, tamburin

Personell per Ian MacDonald

The Beatles spelte inn songen på 12 forsøk den 13. april 1965 i Abbey Road Studio Two. Dei første åtte forsøka var utan vokal.

Singel- og album-versjonen er så smått forskjellige. Den amerikanske utgåva starta med ein James Bond-aktig instrumental.

I Noreg låg songen inne på VG-lista 14 veker, seks av dei på førsteplassen.

• 1965 - The Newbeats på albumet Run Baby Run.
• 1968 – Deep Purple på debutalbumet Shades of Deep Purple.
• 1970 - The Carpenters på albumet Close to You.
• 1970 - The Muppets song ein versjon av songen på Sesame Street i episode 135.
• 1975 - Caetano Veloso på albumet Joia.
• 1976 - Henry Gross i musikkdokumentare All This and The Second World War. John Lennon sa ein gong at dette var favorittversjonen hans av songen. George Harrison og Paul McCartney syng korvokal.
• 1976 - The Damned spelte inn songen som B-side til «New Rose».
• 1979 - Dolly Parton spelte ein bluegrass-versjon av «Help!» på Great Balls of Fire.
• 1980 - John Farnham gav ut songen som ein pianobasert ballade i langsamt tempo. Versjonen hans nådde åttandeplassen i Australia..
• 1982 - Den sørafrikanske gruppa Hotline, med PJ Powers, gav songen ut på singel.
• 1984 - Tina Turner gav ut ein balladeversjon av songen (i lag med The Crusaders) og denne nådde 14. plassen i Nederland, 25. plassen i Belgia, og 40. plassen i Storbritannia. Songen var med på den europeiske utgåva av Private Dancer. Songen vart mykje spelt på konsertane hennar ei tid framover og finst på Tina Live in Europe og konsertfilmen Private Dancer Tour.
• 1985 - Roy Orbison framførte ein kortare versjon av songen i eit mykje meir langsamt tempo for fjernsynsdokumentaren Everyman: John Lennon «Journey In The Life".
• 1989 - Bananarama (med French & Saunders og Kathy Burke) som Red Nose Day-singel til støtte for Comic Relief. French, Saunders og Burke vart omtalte som «Lananeeneenoonoo" (ein parodi på Bananarama). Denne versjonen nådde tredjeplassen i Storbritannia og var med i juleepisoden av Only Fools and Horses i 1989.
• 1990 - Kylie Minogue framførte songen under John Lennon: The Tribute i Liverpool. Han vart òg spelt på Rhythm Of Love Tour i 1991
• 1991 - Waltari spelte «Help!» på debutalbumet Monk Punk.
• 1995 - Little Texas spelte ein versjon av songen for hyllestalbumet for Beatles kalla Come Together: America Salutes the Beatles.
• 1995 - Roxette spelte ein akustisk verjson av songen i Abbey Road Studios. Denne kom først ut i 2006 i boksen The Rox Box/Roxette 86-06.
• 1998 - The Punkles spelte ein punkverjson av songen på debutalbumet sitt.
• 1999 - Claire Martin spelte ein langsam versjon av songen på albumet Take My Heart (med Noel Gallagher på gitar).
• 2000 - Tsunku spelte «Help!» på albumet sitt A Hard Day's Night.
• 2003 - Art Paul Schlosser spelte ein parodi av «Help!» ("Smelt") på albumet Words of Cheese and Other Parrot CD.
• 2004 - Westlife spelte inn songen på Turnaround Tour.
• 2004 - McFly spelte songen i 2004 på singelen Obviously. Songen finst på EPen Lost & Found: McFly Uncovered frå 2008.
• 2006 - Bebi Dol spelte inn songen på albumet Covek rado izvan sebe živi.}}
• 2010 - Trans-Siberian Orchestra spelte ein roleg, balladeversjon av songen som ein del av deira «Gutter Ballet Medley» på konsertane sine.
• 2010 - Vanilla Sky, eit italiensk punkrockband, spelte songen på albumet Punk is Dead.
• 2011 - Cloud Cult spelte «Help!» for Minnesota Beatle Project, Vol. 3.
• 2011 - Alvin and the Chipmunks og The Chipettes spelte inn songen som bonusspor på Target-utgåva av filmmusikkalbumet Alvin and the Chipmunks: Chipwrecked: Music from the Motion Picture.}}
• 2012 - Det amerikanske gutebandet Big Time Rush spelte inn songen (og andre Beatles-songar) som ein del av Big Time Movie og filmmusikkalbumet.}}
• 2013 - Hipsters spelte inn songen på ein EP
• 2013 - Blaine Anderson (Darren Criss) og Sam Evans (Chord Overstreet) spelte songen i Glee.
• Silverstein gav ut ein versjon av songen på det fjerde albumet deira, A Shipwreck in the Sand. «Help!» er òg blitt spelt av Michael Stanley, dc Talk, Alma Cogan, Rick Wakeman, Howie Day, Fountains of Wayne, John's Children, Marc Bolan og Peter Sellers. The Rutles-songen «Ouch!» er ein parodi.