Hans Agerbek (1.
februar 1798–13. september 1869) var ein dansk salmeforfattar og sokneprest frå Øster Hæsinge på Fyn.
Hans Agerbek | |
Statsborgarskap | Danmark |
Fødd | 1. februar 1798 |
Død | 13. september 1869 (71 år) |
Yrke | prest, salmediktar |
Agerbek var fødd i Skydebjerg prestegard på Fyn. Han blei tidleg foreldrelaus, og budde hjå ein slektning i Øster Hæsinge prestegard. Han gjekk på skule i København, og byrja studera teologi i 1816. Ei tid verka han som huslærar i Gamtofte. I 1822 gjekk han ut som teologisk kandidat, og året etter blei han kapellan for provsten i Vemmelev. I 1827 gifta han seg med godseigardottera Marie Frisenberg, og fekk stillinga som residerande kapellan i Thisted og sokneprest i Skinnerup. Derette følgde stillingar som sokneprest i Bredstrup og Espe og Vantinge på Fyn før han i 1841 vende tilbake til fødesoknet sitt Øster Hæsinge, der han var sokneprest og budde til han han døydde i 1869.
Han er representert i den danske Psalmebog for Kirke og Hjem med salme nr. 516 «Uforsagt, vaer paa Vagt». Denne er omsett til «Våga dig Dristelig» på svensk. som blir sungen til melodien til salmen «Stilla natt» (Glade jul). Denne salmen var med i tillegget til Roskilde Konvents Psalmebog 1873 og 1890. Salmen kan ha ulike melodiar. Agerbek skreiv òg eit vers i den danske salmen nr. 427 (opphavleg ein del av den føre salmen), som er kjend under namnet «Klokken slår, tiden går»:
Klokken slaar
Tiden gaar,
Evigheden os forestaar;
Lad os da bruge den kostbare Tid,
Tjene vor Herre med al vor Flid,
Saa skal vi nok komme hjem!
This article uses material from the Wikipedia Nynorsk article Hans Agerbek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.