Gemeinsame Normdatei: Internasjonal autoritetsfil for personnavn, korporasjonsnavn og emneord

GND erstattar frå 19. april 2012 dei tidlegare Personennamendatei (PND), Schlagwortnormdatei (SWD), Gemeinsame Körperschaftsdatei (GKD) og Deutsches Musikarchiv (DMA-EST-Datei) og omfattar såleis personar, bedrifter, arrangement, geografiske data og omgrep.

Gjennom prosjektet Virtual International Authority File (VIAF) er GND knytt saman med andre nasjonale autoritetspostar via konkordansfiler.

Målet med GND er å knyte saman dei mangfaldige ressursane og informasjonskjeldene som bibliotek og andre kulturinstitusjonar i det tyskspråklege området tilbyr. Datasett som er overførde uendra frå dei tidlegare autoritetsregistra til GND har dei same nøkkelverdiane som før, no i identifikatoren GND-Nummer. Dublettar blir samanførde og datasetta suksessivt førebudde for semantisk web.

GND nyttar regelverket RDA og er basert på utvekslingsformatet MARC 21-authority.

På det tidspunktet Gemeinsame Normdatei blei innførd inneheldt registeret 9 493 860 datasett av følgjande entitetstypar:

• 4 456 000 personnamn («ikkje individualisert», dvs utan typebeteikning)
• 2 650 000 personar («individualisert», type p)
• 1 145 000 bedrifter, juridiske personar og liknande (type k) – Körperschaften
• 571 000 arrangement og kongressar (type v) – Veranstaltungen
• 286 000 geografiske data (type g)
• 200 000 fagtermar (type s) – Sachbegriffe
• 187 000 verk (type w) – sjå til dømes for verket Gemeinsame Normdaten i «Autoritetspost» nedst i denne artikkelen.

Litteratur

• Eva-Maria Gulder: Die Gemeinsame Normdatei (GND). Bayerische Staatsbibliothek München (Normdatenredaktion), september 2011. (pdf-fil Arkivert 2013-01-15 ved Wayback Machine.)

Referansar

• Søk i OGND (ei teneste av Bibliotheksservice-Zentrum Baden-Württemberg)
• Søk i DNB-Portal (Deutsche Nationalbibliothek)
• Informasjon om GND Arkivert 2012-05-08 ved Wayback Machine. (Deutsche Nationalbibliothek)
• Gemeinsame Normdatei (GND) Arkivert 2013-01-15 ved Wayback Machine. i BSZ Wiki
• GND-MARC-Format, Version 1.1^{[daud lenkje]} (per 15. august 2011)
• Deutsche Nationalbibliothek sin Linked Data Service^{[daud lenkje]}