Eli: Kvinnenamn

I dansk-norsk tradisjon er det eit kvinnenamn avleidd frå det greske Helene, som betyr 'lys' eller 'lysberer'. I hebraisk og avleidde tradisjonar er Eli (hebr. עֵלִי) eit mannsnamn som betyr 'oppstiging', kjend frå øvstepresten Eli i Bibelen. Eit liknande hebraisk namn (hebr. אלי) kan også tyda 'min Gud' eller vera ei kortform av namn som Elia, Elisja, Elieser og liknande.

Eli har namnedag den 21. mai i Noreg.

 

Eli og varianten Elie var mykje brukte på jentebarn i Noreg på 1700-talet. Eli var også utbreidd på 1940- og 1950-talet.

I England har Eli vore kjend som mannsnamn sidan reformasjonen.

Kvinner

• Eli Fischer-Jørgensen (f. 1911), dansk professor og motstandskvinne
• Eli Skolmen Ryg (f. 1936), norsk fjernsynsprodusent
• Eli Kristiansen (f. 1933), norsk politikar
• Eli Sollied Øveraas (f. 1949), norsk politikar
• Eli Rygg (f. 1955), norsk underhaldar
• Eli Arnstad (f. 1962), norsk politikar og næringslivstopp
• Eli Kari Gjengedal (f. 1971), norsk forfattar
• Eli Bjørhusdal (f. 1972), norsk målkvinne
• Eli Sol Vallersnes (f. 1973), norsk forfattar og fysioterapeut

 

Menn

• Øvstepresten Eli, levde om lag 1000-talet f.Kr.
• Eli Whitney (1765–1825), USA-amerikansk oppfinnar
• Élie Ducommun (1833–1906), sveitsisk journalist, aktivist og vinnar av Nobels fredspris
• Eli Lilly (1838–1898), USA-amerikansk kjemikar og entreprenør
• Eli Filip Heckscher (1879–1952), svensk økonom
• Elie Wiesel (f. 1928), rumensk-amerikansk jødisk forfattar, aktivist og vinnar av Nobels fredspris
• Eli Roth (f. 1972), USA-amerikansk filmskapar og skodespelar

• Eli Sjursdotter er tittelen på gjennombrotsromanen til Johan Falkberget.