Douglas Adams: Forfattar

mars">11. mars 1952–11. mai 2001) var ein engelsk science fiction-forfattar, best kjend for sitt arbeid med radioserien Doctor Who, bokserien The Hitchhiker's Guide to the Galaxy (Haikerens guide til galaksen) og romanane om den holistiske detektiven Dirk Gently. Samtlege bøker er gjennomsyra av ordspel, talentfull leik med språket og ein til tider obskur humor.

Douglas Adams
Pseudonym	David Agnew
Statsborgarskap	Storbritannia
Fødd	11. mars 1952 Cambridge
Død	11. mai 2001 (49 år) Santa Barbara
Yrke	skodespelforfattar, manusforfattar, romanforfattar, barnebokforfattar, science fiction-forfattar, komikar, skribent, musikar
Språk	engelsk
Høgd	1,96 meter
Sjanger	science fiction, komedie, satire
Medlem av	Footlights, Groucho Club
Religion	ateisme
Far	Christopher Douglas Adams
Mor	Janet Adams
Ektefelle	Jane Belson
Born	Polly Jane Rocket Adams
Douglas Adams på Commons

Adams har òg produsert ei rekkje teksteventyrspel.

The Hitchhiker's Guide to the Galaxy

• The Hitchhiker's Guide to the Galaxy, 1979 (norsk tittel: Haikerens guide til galaksen)
• The Restaurant at the End of the Universe, 1980 (norsk tittel: Restauranten der universet slutter)
• Life, the Universe and Everything, 1982 (norsk tittel: Livet, universet, og alt mulig)
• So Long, and Thanks for All the Fish, 1984 (norsk tittel: Ha det, og takk for all fisken)
• Mostly Harmless, 1992 (norsk tittel: Stort sett harmløs)

Trilogien (som ironisk nok består av 5 bøker) vart opphavleg skriven som eit radiomanus for BBC, og finst òg som fjernsynsserie. Eit kjenneteikn ved dei ulike versjonane er at innhaldet varierer sterkt frå format til format. Ein spelefilm er òg produsert.

Dirk Gently

• Dirk Gently's Holistic Detective Agency (1987)
• The Long Dark Teatime of the Soul (1988)

Andre bøker

• The Meaning of Liff (1983), kreativ stadnamntolkning (saman med John Lloyd)
• Last Chance to See (1991), om truga dyreartar
• The Salmon of Doubt (2002, på norsk 2003: En bedrøvet laks), tekstsamling, inkludert eit utkast til ein ufullendt Dirk Gently-roman

Handlinga i The Hitchhiker's Guide to the Galaxy finn stad rundt omkring i universet og er difor naturlegvis gjennomsyra av astronomi. Den 10. mai 2001, dagen før Douglas Adams brått og uventa døydde, fekk ein ekte asteroide i solsystemet det offisielle namnet (18610) Arthurdent, oppkalla etter hovudpersonen i trilogien. Seinare er ein annan asteroide blitt døypt (25924) Douglasadams.