Do Ya Av The Move

«Do Ya» er ein song skriven av Jeff Lynne og først spelt inn av The Move. Songen vart sidan ein hit for Electric Light Orchestra (leia av Lynne, ELO byrja som eit sideprosjekt for The Move) i 1976.

Songenv art skriven av Jeff Lynne i 1971, og han var ein av to songar som vart gjeven ut på B-sida til den britiske hitsingelen av The Move (den andre var Roy Wood sin «Ella James"). I USA vart B-sida meir populær enn B-sida og nådde 93. plassen på singellista der. Songen heitte opphavleg «Look Out Baby, There's a Planet Comin'» (som vert sungen av Wood på slutten av songen). Songen vart sidan gjeven ut i 2005 på den nymastra utgåva av Message from the Country.

Electric Light Orchestra (ELO) byrja å spele «Do Ya» på konsertane sine med Lynne på vokal i 1973-1975, og dei spelte han så inn for albumet A New World Record i 1976. I eit intervju frå 1978 på australsk radio vart Bev Bevan spurt om kvifor songen vart spelt inn på ny. Han sa då at bandet ein gong hadde fått spørsmål frå ein journalist om kva dei syns om den «originale versjonen av songen av Todd Rundgren». Dei valde då å spele inn songen med ELO slik at alle fekk vite at det var ein Jeff Lynne-song.

Jeff Lynne spelte inn songen på ny i 2013 for eit samlealbum med andre nyinnspelte ELO-songar. Albumet vart gjeve ut som eit ELO-album.

Lister

• 1975 - Todd Rundgren sitt Utopia på albumet Another Live
• 1976 - Mike Sheridan - på Elmer Goodbody, Jnr.
• 1989 - Ace Frehley - på Trouble Walkin'
• 1997 - Matthew Sweet - på samlealbumet Live from 6A: Late Night with Conan O'Brien
• 2001 - Moods for Moderns - på Slacker Ways EP, kalla «Do You»
• 2001 - Jason Falkner - på eit hyllestalbum for Jeff Lynne kalla Lynne Me Your Ears
• 2005 - Parthenon Huxley - på albumet Homemade Spaceship: The Music of ELO
• 2008 - Neil Nathan - på The Distance Calls og i fjernsynsserien Californication

Songen inspirerte Tom Petty til å skrive den amerikanske hitsingelen «Change of Heart» i 1982.