Dei Tre Nornene
Dei tre nornene var i norrøn gudelære tre lagnadsgudinner som heitte Urd, Skuld og Verdande.
Dei sat ved brunnen Urdarbrunn under Yggdrasil og spann på lagnadsveven, som synte lagnaden til alle menneske og æsene.
Dei tre nornene står for fortid (Urd), notid (Verdande) og framtid (Skuld). Nornene var alltid til stades når eit barn vart fødd. Dei avgjorde lagnaden til barnet. Det var mange norner i den norrøne mytologien, men desse tre stod over dei andre nornene.
Det er hevda at Urd nok er den førande og mest sentrale av dei tre nornene, og at dei to andre er aspekt av henne. Urd finst og under nærskylde namn i andre språk (Wyrd på Gamalengelsk).
Mange av dei førkristne mytologiane har lagnadsgudinner av dette slaget. Ein finn dei mellom anna gresk mytologi (moirene).
Ulike slag treeningsgudinner finst att i mange indoeuropeiske gudekrinsar.
Kjelder
This article uses material from the Wikipedia Nynorsk article Dei tre nornene, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.