BRIT Awards eller berre BRITs er ein britisk musikkpris som blir delt ut årleg av British Phonographic Industry til utøvarar av populærmusikk.
Prisen har opphav i Britannia Awards, som blei delte ut i som ei markering av hundreårsjubileet for lydopptak. Frå 1982 blei det ei årleg tilstelling, British Record Industry Awards, støtta av næringsforeininga til den britiske musikkindustrien, BPI. Namnet blei endra til BRIT Awards i 1989. Namnet «Brit» kan vera ei forkorting for British eller Britannia, medan «BRITS» er eit bakronym for British Record Industry Trusts Show. Det finst også ei tilsvarande prisutdeling for klassisk musikk, Classic BRIT Awards.
Utdelinga blei send direkte på fjernsyn fram til 1989, då det var fleire problem ved utdelinga leia av Samantha Fox og Mick Fleetwood. Frå 1990 til 2006 blei tilstellinga teken opp og vist på fjernsyn kvelden etter. Frå 2007 blei utdelinga direktesend att, på fjernsynskanalen ITV. Fram til 2010 fann utdelinga stad ved Earls Court Exhibition Centre i London. I 2011 blei ho halden ved O2 Arena i London.
This article uses material from the Wikipedia Nynorsk article Brit Awards, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.