Bjørn Tomren

april">27. april 1981) er ein norsk jodlar, strupesongar, visesongar, komikar og komponist frå Tomrefjord i Møre og Romsdal dit han flytta frå Isfjorden i Rauma då han var 3 år gamal.

Bjørn Tomren
Fødd	27. april 1981 (42 år)
Fødestad	Vestnes kommune
Opphav	Noreg
Sjanger	pop
Instrument	vokal
Verka som	songar

Han vart kjend under artistnamnet Polkabjørn i polka- og jodleduoen «Polkabjørn og Kleine Heine». Etter starten i 2006 opptredde dei på festivalar, barar og som konferansierar. Dei opptredde under ski-VM i 2011 i Oslo. I det høvet laga dei låten «I like to ski» med Daniel Herskedal, Ole Edvard Antonsen og Hallvar Djupvik.

Tomren har drege Noreg på langs på fire ulike måtar: på ski, til fots, padlande og roande. Han er låtskrivar og spelar i visegruppa «Kniven på strupen» saman med Ole Paus, strupesongtrioen «Huurd Altan Hangai Tu», americanabandet «The Thomas Quickstep Experience», salmesongtrioen «Samantha Foxtrot», elektronikaduoen «FIK», pønkbandet «Tomra Konfeksjon», coverbandet «Ni Hong And te Clay He Hos» og salmesongkollektivet «Tomra Pjolter- og Salmesangforening».

Tomren gav i 2019 ut sitt fyrste album, Bad Science Fiction.

I 2021 vann han den tiande sesongen av NRK-programmet Stjernekamp. Han heldt òg konsert under Festspela i Bergen i 2021.

LP

• Bad Science Fiction – (Propeller Recordings, 2019)