Biologisk Domene: Taksonomisk rang
Domene er ein biologisk kategori som blir brukt av enkelte systematikarar; det omfattar eitt eller fleire skylde rike.
Som med andre kategoriar (bortsett frå arten) er det eit skjønnsspørsmål kva gruppe ein vel å kalla domene. Derfor er også svaret på spørsmålet om kor mange domene av organismar som finst, og om ein i det heile tatt bør bruka domene, vilkårleg. Ulike systematikarar opererer med ulike system, mange utan nokon kategori høgare enn riket. Dei som bruker domene, bruker denne kategorien for dei aller største organismegruppene, som bakteriar, eukaryote organismar og urbakteriar.
Toppnivåa i nokre av dei moderne klassifiseringane av biologisk liv er:
- To-rike-systemet, med gruppene Prokaryota (eller Monera) og Eukaryota på toppen
- Seks-rike-systemet med Protista, Archaebacteria, Eubacteria, Fungi, Plantae og Animalia.
og den nyaste
- Tre-domene-systemet lagt fram av Carl Woese i 1990, med domena Archaea, Bacteria og Eukaryota som toppgrupperingar
This article uses material from the Wikipedia Nynorsk article Biologisk domene, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.