Berwick-Upon-Tweed
Berwick-upon-Tweed er ein by i Northumberland.
Han er den nordlegaste byen i England, og ligg på austkysten ved munningen til elva Tweed. Elva markerer det meste av strekninga grensa mellom England og Skottland, men Berwick ligg på nordsida, det vil seie på det som elles er skotsk side; han var tidlegare administrasjonsby for det skotske grevskapet Berwickshire. Han er no administrasjonssenter for distriktet Berwick-upon-Tweed, som omfattar eit større område enn sjølve byen.
| Berwick-upon-Tweed | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia | |
| Konstituerande land |  England | |
| Grevskap | Northumberland | |
| Distrikt | Northumberland | |
| Geografi | ||
| Innbyggjarar - By (2001) | 11 665 | |
| Koordinatar | 55°46′N 2°0′W / 55.767°N 2.000°W | |
| Diverse annan informasjon | ||
| Postnummer | TD15 | |
| Telefon-retningsnummer | 0 1289 | |
Berwick er ein marknadsby. Han har òg ei hamn, som ligg i landsbyen Tweedmouth like ved. Størst tyding har byen hatt på grunn av den strategiske plasseringa si, og i meir enn 300 år frå midten av 1000-talet byta han hender fleire gonger. Så seint som under Rosekrigane på 1400-talet vart det kjøpslått om byen. Bymurane er blant dei best verna i Storbritannia, og dei vart kraftig restaurert på 1700-talet.
Fotballaget til byen, Berwick Rangars FC, spelar i Scottish Football League, noko som er unikt for ein engelsk by.
Den lokale dialekten, kjent som Tweedside, er ein kombinasjon av låglandsskotsk og northumbrisk dialekt; han høyrest mest ut som ein skotsk dialekt.
Byen har venskapsbyavtale med Sarpsborg.
Kjelder
Bakgrunnsstoff
This article uses material from the Wikipedia Nynorsk article Berwick-upon-Tweed, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.