Aust-Anatolia

Regionen og namnet Doğu Anadolu Bölgesi vart først definert av Den første geografikongressen i 1941. Regionen har den høgaste gjennomsnittshøgda i Tyrkia, er størst i utstrekning og har lågast folketettleik av alle regionane i Tyrkia. Ein del av regionen vart tidlegare kalla Det armenske høglandet, eller berre Armenia.

Aust-Anatolia ligg heilt aust i Tyrkia og grensar til Sentral-Anatolia i vest, Svartehavsregionen i nord, Søraust-Anatolia og Irak i sør og Iran, Aserbajdsjan, Armenia og Georgia i aust.

Regionen dekkjer 171 061 km², 21% av det totale arealet til Tyrkia. Det bur totalt kring 6,1 millionar innbyggjarar i regionen.

 

• Provinsen Ağrı
• Provinsen Ardahan
• Provinsen Bingöl
• Provinsen Bitlis
• Provinsen Elazığ
• Provinsen Erzincan
• Provinsen Erzurum
• Provinsen Hakkari
• Provinsen Iğdır
• Provinsen Kars
• Provinsen Malatya
• Provinsen Muş
• Provinsen Tunceli
• Provinsen Van

Gjennomsnitthøgda i regionen er 2200 meter med store sletter, platå og massiv. Det er noko vulkansk aktivitet i regionen. Det høgaste fjellet i Tyrkia, Ararat, ligg i denne regionen. Det same gjer dei andre vulkanane Nemrut, Süphan og Tendürek. Den største innsjøen i Tyrkia, Vansjøen, ligg òg i regionen.

•  
  Ararat frå Iğdır
•  
  Erzurum
•  
  Çifte Minareli Medrese er eit monument frå seint i seldsjukkperioden i den tyrkiske byen Erzurum
•  
  Monumentet til Nene Hatun i Erzurum
•  
  Bingöl
•  
  Kars
•  
  Akdamarøya og Den armenske katedralen av Den heilage krossen, ei armensk kyrkje frå 900-talet.
•  
  Sentrum av Kars
•  
  Malatya İnönü Stadium