Al Anbar guvernement (arabisk محافظة الأنبار muḥāfaẓat al-’Anbār) er det største guvernementet i Irak etter areal.
Det utgjer det meste av dei vestlege områda i landet og grensar til Syria, Jordan og Saudi-Arabia. Provinshovudstaden er Ramadi. Andre viktige byar er Fallujah og Haditha.
Anbar guvernement | |||
محافظة الأنبار | |||
guvernement | |||
Land | Irak | ||
---|---|---|---|
Koordinatar | 32°54′N 41°36′E / 32.900°N 41.600°E | ||
Hovudstad | Ramadi | ||
Areal | 138 501 km² | ||
Folketal | 1 500 000 (2017) | ||
Folketettleik | 11 / km² | ||
Guvernør | Suhaib al-Rawi | ||
Al Anbar guvernement 32°54′N 41°36′E / 32.9°N 41.6°E | |||
| |||
Wiki Commons: Al Anbar Governorate | |||
Guvernementet heitte Ramadi fram til 1976, då det fekk namnet Al Anbar. Før 1962 heitte det Dulaim. Nesten alle innbyggjarane i provinsen er sunnimuslimar og dei fleste høyrer til Dulaim-stamma.
Tidleg i 2015 sette Den islamske staten, med støtte frå lokal sunnimuslimsk milits, i gang eit felttog for å ta kontroll over provinsen frå dei irakiske styresmaktene. Sidan den gong er det gjort fleire offensivar for å fjerne IS-okkupasjonen.
Geografisk vert Anbar guvernement rekna som ein del av Den arabiske halvøya. Geografien i regionen er ein kombinasjon av stepper kring Eufrat og ørken. Området har ørkenklima med lite nedbør og store temperatursvingingar mellom dag og natt. Sommartemperaturane stig til 42 ºC, medan miniumstemperaturen om vinteren går ned mot 9 ºC. Nordvestlege og sørvestlege vindar kan stundom nå opp i 21 m/s (sterk kuling). Årsmiddelnedøren er 115 mm.
Dei viktigaste avlingane i Al-Anbar er kveite, poteter, bygg, mais, grønsaker og fôr. Det finst mang frukthagar og provinsen har kring 2,5 millionar palmetre. Jordbruket er avhengig av gjennomstrøyming eller via elvar, brunnar og regn.
Eufrat flyt diagonalt gjennom orådet frå nord til aust, og passerer gjennom seks av dei sju distrikta:
I 1920-åra hadde guvernementet 250 000 innbyggjarar, og det same hadde Bagdad, av eit samla folketal på 2 millionar i Irak. I dag er det ni millionar innbyggjarar i Bagdad, av dei ein million frå Anbar. Opphavet deira er folk frå Al-Anbar-stammene som har flytta til Bagdad dei siste 500 åra og nyare innflytting i 1920- og 1930-åra.
Halvparten av innbyggjarane i Anbar bur langs breidda av Eufrat. Dei største byane er Ramadi (900 000 innbyggjarar) og Fallujah (700 000).
Distrikt | Folketal |
Ramadi | 620 480 |
Fallujah | 590 354 |
Khalidiya | 44 274 |
Heet | 120 414 |
Al-Qa'im | 180 646 |
Rutba | 49 118 |
Haditha | 107 384 |
Anah | 38 154 |
Rawa | 29 643 |
I følgje eit SN-estimaet i 2003 var folketalet i Al Anbar då 1,2 millionar innbyggjarar. Det er estimert at 90 % av innbyggjarane i Anbar er sunnimuslimar. Dei andre ti prosenta er anten sjiamuslimar eller kristne.
|
|
|
|
This article uses material from the Wikipedia Nynorsk article Al Anbar guvernement, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.