Agnus Dei

Uttrykket er henta frå Døyparen Johannes sin omtale av Jesus som Guds lam, omtalt i Evangeliet etter Johannes 1,29.

Teksten skal ha blitt introdusert i liturgien av pave Sergius I (687–701). Han vert sungen eller resitert rett før nattverdmåltidet. Melodien kan variere gjennom kyrkjeåret eller gudstenesteforma.

Hymnen lyder på latin:

Agnus Dei, qui tollis peccata mundi, miserere nobis.
Agnus Dei, qui tollis peccata mundi, miserere nobis.
Agnus Dei, qui tollis peccata mundi, dona nobis pacem.

På norsk lyder han:

Du Guds Lam, som bar all verdsens synder, miskunna deg over oss.
Du Guds Lam, som bar all verdsens synder, miskunna deg over oss.
Du Guds Lam, som bar all verdsens synder, gjev oss din fred.