561. Etterretningssenter

etterretningssenter (russisk 561 морской разведывательный пункт) er ei SPETSNAZ-eining i Austersjøflåten i det russiske forsvaret. Eininga er forlagt til Parusnoje i Kaliningrad.

Eininga var i 2015 samansett av 5 kompani, eit av desse med vakthald som oppgåve. Folka som er tilsette ved eininga med feltpostnummer 10617 vert uoffisielt kalla «parusnikar», 'seglbåtar'.

27. oktober 1981 grunnstøtte ein sovjetisk ubåt, «S-363», ved Tohamnaskär utanfor Karlskrona. 14 sovjetiske fartyg sette kurs mot havaristen for å hjelpe ubåten av grunn, og å nøytralisere eit svensk skip som hindra slik hjelp. Nokre av desse fartøya hadde angrepsdykkarar frå Austersjøflåten sin SPETSNAZ-styrke om bord. Desse skulle etter planen kapre det svenske skipet som hindra ubåten å kome seg ut i internasjonale farvatn. Berre ein halvtime før denne planen skulle utførast, vart den avblåst. Årsaka var at dei sovjetiske fartøya kom for seint, for det svenske kystartilleriet vart sett i stand til å legge området rundt den grunnstøtte ubåten under tung eld.