Åland

Det finske landskapet har over 6 500 øyar som ligg inst i Austersjøen, mellom Sverige og Finland. Dei om lag 26 000 innbyggjarane er svenskspråklege. Hovudstaden og den einaste byen på Åland heiter Mariehamn og ligg på den største øya, Fasta Åland.

Åland
   

Åland sitt flagg	Åland sitt våpen
Status	Finsk sjølvstyrt landskap
Lantråd	Viveka Eriksson (2007-)
Hovudstad	Mariehamn
Offisielt språk	Svensk
Areal - % vatn	13 517 km² 89%
Folketal - totalt - folketettleik	ca. 26 711 (2005) ca. 2,0/km²
Verdsdel	Europa
Internet-domene	.ax
Tidssone	UTC +2
Internasjonal telefonkode	+358
Nasjonalsong	Ålänningens sång

Sjølv om Åland ligg nærare Sverige både språkleg og geografisk, vart øyriket sett på som finsk då Finland sa seg sjølvstendig i 1917. Medan finsk nasjonalisme voks på fastlandet, vart ålendingane meir stolte av å vera svenske. Dei aksjonerte for å bli ein del av Sverige, og Finland svara med å byda dei autonom status i republikken. Konflikten er ein av dei få som vart løyste av Folkesambandet, som sa at Åland skulle verta ein autonom region i Finland, men at kulturen og språket deira måtte vernast. For å halda Åland ålandsk har øyane til dømes strenge reglar om kven som kan kjøpa og eiga land der. Samtidig gjorde ein internasjonal avtale øyriket til eit nøytralt og demilitarisert område.