Ba danö niha, wa'oya lala halöŵö nifalua niha ba wangalui soguna.
Simane ba wangalui diwo. Sitoröi ba mbanua si so idanö, no sambua naha ba wangalui diwo. Hiza, diwo ni'alui soguna ba zisakali femanga. No sa'ae la'ila niha nifotöi manusulö. Na manusuli, ba lafaigi nidanö silö abakha sibai, ni alui na manusuli, ya'ia da'ö uro, hambae, ba naso mbaeŵa ba lahalö.
Lö diwo banomo? Harimbale ara nasa ba wowöli i'a budu, adulo, ma nagole mbawi? Ba danö niha, no niha sonekhe-nekhe ba wangalui tanömö gö. Ihalö zi'ölinia ba naso khönia dufa ba iohe dufa faoma bola-bola naha gahulua dania. Ba wanusuli, lö mamake fakake sabua, lafake manö danga sino ibe'e so'aya. Silötola'ö so, fa'abarani, ba wosusuli arö gara, faoma tögi ziso ba nidanö. Börö, sala-sala göi ba tenga baewa nisöndara, so gulö.
Ba danö niha dozi idanö tola naha wanusuli, asala idanö nia lö abakha sibai, ba natola ba zoya kara maifu. Manusuli ha tanga zoguna ba wondrau i'a ba ba wangakali uro saminini'ö ya'ira barö gara. Na awena labörögö wanusuli, na lö irai manusuli'ö götö da'a, ba henagö wa'ebolo dödö. Tenga halöwö saoha wanusuli, moguna wamamaha, fa'asese wolau ya'ia, fanaha tödö, fanörö fa'akao ba fa'anau gölö. Lö aröu ira niha sifagai, sanusuli tola ahulu oya ma ahulu ebua, tola ahulu ide-ide, tola manö löhadöi ahulua. Ösi nidanö, so guro, hambae, elefu, bakhu, baeŵa, laedo ba so göi guro sebua, sasese laŵa'ö otou, ba side-idenia laŵa'ö kewu-kewu.
This article uses material from the Wikipedia Li Niha article Manusuli, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.