Fatome ya'ia da'ö gowasa nilau samosa niha sabölö-bölö mofökhö.
Abölö göna wanötöi ya'ia da'ö, fangotome'ö satua. Hiza ba wangotome'ö andrö, inötö sisökhi ba zatua wamenesi iraono awö zawuyu nia (lö dozi so zawuyu, da'a me föna me inötö so wangosawuyu niha), ba simanö göi ba ndraono, no sambua inötö si sökhi sibai ba wamondrongo hadia zinangea famenesi ba fangombakha soguna ba wongambatösa nifa'ema zatuara andrö. Tuho wa lalau ma la falua wangotome'ö satua sihulö wolau gowasa ia, ya'ia da'ö ba wangandrö fangefa sala fatua lö ahele danö khönia..
Satua banomo nano atua sa'ae ba inönö na mofökhö-fökhö, ba tumbu ba dödö ndraononia ba wame'e "ö" zatua ba wangandrö howu-howu fatua lö irugi inötö ikaoni ia So'aya, da'ö duhö wangotome'ö. Ba lalau mangosara ira sifatalifusö lakaoni nono alawera, tana zibaya, ba sifasambua ama khöra, ba wo angeragö hadia manö lala halöŵö dania nifalua na inötö wangotome'ö. Ba nano so wahasara dödö, ba lafalua halöŵö andrö. Ba so zamalua fangotome'ö zatua ba danö niha la osamuzaigö ba wo mbagi harato, da'ö wa hulö la kaoni fefu zitenga bö'ö ba wa mondrongo hadia manö nifa'ema zatua baomo khö ndraononia irege na furi lö fanofu ba zino itatugöi satua.
This article uses material from the Wikipedia Li Niha article Fatome, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.