स्वित्जरल्यान्द

स्विट्जरल्याण्ड छगू चिधंगु लोकतान्त्रिक पश्चिमी युरोपेली राष्ट्र ख। थ्व राष्ट्रया आधिकारिक नां कोन्फोएदेरासियो हेल्भेतिका Confoederatio Helvetica ख। थ्व नां ल्याटिन भाषाय् बियातःगु थ्व देय्या नां ख। अथेजुसां आधिकारिक ज्या स्वया पिने थ्व नांया छ्येला आपालं मजूगु खनेदु। स्विटजरल्याण्ड थःगु तटस्थताया निंतिं नांजा। वंगु १९० दँ निसें थ्व देय् तटस्थ जुयाच्वंगु दु। अतः, यक्व अन्तराष्ट्रिय संघतयेगु मूज्याकुथि थ्व देशय् अवस्थित दु। संयुक्त राष्ट्र संघया मू ज्याकुथि थ्व देय्या जेनेभाय् दु। नापं संयुक्त राष्ट्र संघ स्वया न्हःया लिग अफ नेसनस्या मूज्याकुथि नं न्हापा जेनेभाय् हे दूगु ख।