बेल्जियम

बेल्जियम, आधिकारिक रुपय् बेल्जियम राजतन्त्र, छगू पश्चिमी युरोपय् अवस्थित संघीय राज्य ख। थ्व देय् युरोपियन युनियनया संस्थापक सदस्य ख। नापं, थ्व देशय् इयुया मू ज्याकुथि व थीथी संघतयेगु मू ज्याकुथि नं दु, दसु- नेटो। बेल्जियम थीथी अन्तराष्ट्रिय संघतयेगु सदस्य नं ख गुकिलि ACCT, AfDB, AsDB, अस्त्रेलिया ग्रुप, बेनेलक्स, BIS, CCC, CE, सर्न, EAPC, EBRD, EIB, EMU, ESA, EU, FAO, G-10, IAEA, IBRD, ICAO, ICC, ICRM, IDA, IDB, IEA, IFAD, IFC, IFRCS, IHO, ILO, IMF, IMO, IMSO, Intelsat, इन्तरपोल, IOC, IOM, ISO, ITU, MONUC (observers), नेटो, NEA, NSG, OAS (observer), OECD, OPCW, OSCE, PCA, UN, UNCTAD, UNECE, UNESCO, UNHCR, UNIDO, UNMIK, UNMOGIP, UNRWA, UNTSO, UPU, WADB (non-regional), WEU, WHO, WIPO, WMO, WTrO, ZC आदि मू ख। बेल्जियमया कूल क्षेत्रफल 30,528 square kilometres (11,787 sq mi) दु व थ्व देय्‌या जनसंख्या करिब १ कोटी १०लख मनु दु। जर्मनिक-भासिक व लातिन युरोपया दथुइ लाःगु थ्व देसय् थ्व निगु हे मू भासिक प्रभाव खनेदु। थन दच भाषी (फ्लेमिश) करिब ६०% दु धाःसा फ्रेञ्चभाषी (आपालं वालून) करिब ४०% दु। नापं, थन जर्मन भाषी मनुत नं दु। बेल्जियमया मू निगु भाग उत्तरया फ्लेमिश क्षेत्र व दक्षिणया वालूनिया ख। ब्रसेल्स क्षेत्र आधिकारिक कथं द्विभाषिय क्षेत्र ख। थ्व फ्लेमिश लागाया दुने लाःगु फ्रेञ्च भाषी भूभाग ख। छगू जर्मन भाषी पुचः पूर्वी वालूनियाय् अवस्थित दु। बेल्जियमया भाषिक विविधता व थुकिलिं हःगु राजनैतिक ल्वापू थ्व देय्‌या इतिहास व जटिल सरकारी व्यवस्थाय् खनेछिं।