अर्केस्त्रा धाःगु इतालियन भासं बुयावःगु छगू खँग्वः ख गुकिया अर्थ, समकालीन परिपेक्षय्, बाजंतेगु तःधं मुना जुइ। पारम्परिक रुपय् थन्याःगु बाजंमुना पाश्चात्य शास्त्रीय संगीत थाइगु याइ। परम्परागत रुपय् अर्केस्त्राय् तार बाजं (भायोलिन वा बेला, भायोला, चेलो]], दबल ब्यास), ली बाजं (brass), सिंफय् बाजं (woodwinds), थाइगु बाजं (percussion instruments) , किबोर्द बाजं आदि ला। अर्केस्त्रा खँग्वः इतालियन भासय् ग्रीक खँग्वः ὀρχήστρα (orchestra) जुया थ्यंगु ख। ग्रीक भासय् थ्व खँग्वःया अर्थ दबूया न्ह्यःनेसं लाःगु प्याखँ क्यनीगु भाग ख।
पूर्ण आकारया अर्केस्त्रायात सिम्फोनी अर्केस्त्रा वा फिल्हार्मोनिक अर्केस्त्रा धाइ। थन्याःगु अर्केस्त्राय् ७० म्ह निसें १०० म्ह स्वया अप्व बाजं थाइपिं संगीतकर्तात दयाच्वनि। पूर्ण आकार मदूगु अर्केस्त्रायात च्याम्बर अर्केस्त्रा (वा कन्सर्त अर्केस्त्रा) धाइ। १८गू व १९गू सदीइ समय नापं अर्केस्त्राया आकार परिमार्जित जुयावंगु खनेदु। अतः, पुलां संगीत, दसु बारोक वा शास्त्रीय अर्केस्त्राय् बाजं थाइपिनिगु ल्या म्हो जुइ धाःसा रोमान्तिक विधाय् अर्केस्त्राया आकार तःधं व बाजं थाइपिनिगु ल्या अप्व दयाच्वनि।
अर्केस्त्राया नेतृत्त्वयाइम्ह नायःयात कन्दक्तर धाइ। आपालं कन्दक्तरया ल्हातय् छहाकः कथि (कन्दक्तरया ब्यातन) दयाच्वनि।
|
|
|
|
|
|
|
|
|
|
This article uses material from the Wikipedia नेपाल भाषा article अर्केस्त्रा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.