सगाथावग्ग (मेमेगु खँग्वः सगाथावग्गपाळि, सगाथावग्गपालि, सगाथावर्ग) तिपिटकया सूत्तपिटकया संयुत्तनिकाय (संस्कृतभासय् संयुक्तनिकाय)या सूत्रतेगु छपुचः ख।
सूत्ततेगु धलः
थ्व पुचः वा वग्गय् मुंकातःगु सुत्त (वा सुत्र) थ्व कथं दु-
- देवतासंयुत्तं: द्यःतेत बियातःगु उपदेशया सुत्त
- देवपुत्तसंयुत्तं: द्यःतेगु मस्तेत बियातःगु उपदेशया सुत्त। अट्ठकथा कथं प्रकट मजूपिं द्यःतेत थन देवपुत्त धयातःगु ख।
- कोसलसंयुत्तं: कोसलया जुजु प्रसेनजितया विषयय् बियातःगु सुत्त। थ्व सुत्तय् प्रसेनजिय व अजातसत्रुया दथुइ जूगु हताःया खँ कनातःगु दु।
- मारसंयुत्तं: तथागतया मारविजयया खँ मुंकातःगु सुत्त।
- भिक्खुनीसंयुत्तं: वजिरा, उप्पलवग्गा आदि झिम्ह भिक्षुणितेगु मारविजयया खँ कनातःगु सुत्त।
- ब्रह्मसंयुत्तं: संहपति आदि ब्रम्हुतेत बियातःगु उपदेश। देवदत्तया अनुयायी कोकालियया दुर्गतिया खँ थ्व सुत्तय् कनातःगु दु।
- ब्राह्मणसंयुत्तं: संहपति आदि ब्रम्हुतेत बियातःगु उपदेश।
- वङ्गीससंयुत्तं: वंगीस द्वारा वासनाय् विजय जूगु खँ दूगु सूत्त।
- वनसंयुत्तं: वनवासी भिक्षुतेत कनातःगु उपदेशया सुत्त।
- यक्खसंयुत्तं: सूचिलोम आदि यक्षतेत कनातःगु उपदेश। तथागतया धम्मं यक्ष प्रभावित जूगु खँ दूगु।
- सक्कसंयुत्तं: देवराज सक्क (संस्कृत भासय् शक्र)या सज्जनताया प्रशंसा।
स्वयादिसँ
This article uses material from the Wikipedia नेपाल भाषा article सगाथावग्ग, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.
