पाकिस्तान

सन् १९४७स्वया न्ह्यः आःया भारत, पाकिस्तान व बंगलादेश बेलायतया उपनिवेश जुया च्वन। भारतया स्वतन्त्रता संग्राम बिले भारतया मुस्मातेसं थःगु निंतिं छगू मेगु हे देय्‌या मांग यात। थ्व आन्दोलनया नेतृत्व मुहम्मद अली जिन्नाहजुं याना दिल। थ्व कथं १४ अगस्ट १९४७ खुनु पाकिस्तानया पलिस्था जुल।

सीमाया विवादय् पाकिस्तान व भारतं निकः 1948य् व 1965य् कशमीरया मामिलाय् युद्ध यात।

सन् १९४७य् पलिस्था जुइ धुंका सन् १९४८ तक्क पाकिस्तानय् यक्व समस्या वल। 1948य् मोहम्मद अली जिन्नाह मन्त। वय्‌कः धुंका पाकिस्तानया सत्ता लिआकत अली खानया ल्हातय् ला वन। सन् १९५१य् लिआकत अली खानयागु हत्या जुल। सन् 1951 निसें 1958 तक्क सरकारत वैगु वनिगु ज्या जुया च्वन। सन् 1956य् पाकिस्तान गणतन्त्र घोषित जुल।सन् १९५८य् पाकिस्तानय् मार्शल लः लागू जुल।

सन् १९७१य् बंगलादेश पाकिस्तानं बाया न्हूगु देय्‌या कथं पलिस्था जुल।

पाकिसतानय् ४गु प्रान्त, २ केन्द्रिय इलाका व पाकिसतानी कशमीरया २गु भाग दु।

प्रान्त

• बलोचिस्तान प्रान्त
• पञ्जाब प्रान्त
• सरहद प्रान्त
• सिन्ध प्रान्त

केन्द्रिय इलाका

• इस्लामाबाद
• शुमाली इलाका जात

पाकिस्तानी कशमीर

• आजाद कशमीर
• वफाकी कबाइली इलाका जात

पाकिस्तान दक्षिण एसियाया पश्चिमी क्षेत्रया छगू देय्‌ ख। पाकिस्तानया दक्षिणी क्षेत्र मैदानी व उत्तरी क्षेत्र पहाडी दु। पाकिस्तानया दक्ले तःधंगु खुसि सिन्धु खुसि ख। थ्व खुसि पाकिस्तानया उत्तरं न्ह्यथना सरहद, पञ्जाब व सिन्ध जुया अरबी सागरय् थ्यनि।

जनसंख्या कथं पाकिस्तान हलिमया ६गु तःधंगु देय्‌ ख। नापं थ्व देय्‌या जनसंख्या सिक्क याकनं अप्वया च्वंगु दु। ।

पाकिस्तानया ९५ प्रतिशत जनसंख्या मुस्मां दु। थुकिलि ६५प्रतिशत सुन्नी व ३० प्रतिशत सिहा मुस्मां दु। पाकिस्तानय् २ प्रतिशतति हिन्दू व १.५ प्रतिशत ख्रिस्टी धर्मावलम्बी दु। थ्व बाहेक थन पारसी, सिख, बौद्ध आदि धर्मावलम्बी नं दु।

पाकिस्तानया राष्ट्रिय भाषा उर्दू ख। अथे जुसां ज्याकुथिलि आपालं अंग्रेजी भाषा नं छ्येलिगु यारते हैं। पाकिस्तानय् उच्च शिक्षा ब्वनिगु भाषा नं अंग्रेजी हे ख। थ्व निगु बाहेक थ्व देशय् पञ्जाबी, सराइकी, सिन्धी, गुजराती, बलोची, बराहवी, पशतो व हिन्द्को आदि भाषा नं छ्येलिगु या।

पाकिसतानया मू जातिइ पञ्जाबी, सिन्धी, पठान, बलोची व मुहाजर ला।

पाकिस्तानया मू नगरय् कराची, लाहौर, सा हीवाल, फ़ैसल आबाद, मुलतान, हैदर आबाद, रावलपिण्डी, पिशावर, कोइटा, डेरा इसमाईल ख़ान, बहावल पुर, सरगोधा, झ॰ग, सिखर, डेरा ग़ाज़ी ख़ान, सिआलकोट, गुजरात, गवादर, चतराल, सवात, मरी, शीख़ोपोरा, गुजरांवाला आदि ला।

राजमार्ग

पाकिस्तानया राजमार्ग थ्व कथं दु-

• पाकिस्तानया नगरतेगु धलः
• पाकिस्तानया जिल्लातेगु धलः
• पाकिस्तानया प्रधानमन्त्रीतेगु धलः