कम्प्युटर

कॉम्प्युटरयात सूचनाया माःहना ज्या याइगु मशिन वा इन्फॉर्मेशन प्रोसेसिङ मशिन धकाः चीहाकलं ब्याख्या यायेफु । कॉम्प्युटरं हिसाब यायेगु व थुकियात स्थायी वा अस्थायी कथं मुना तयेगु ज्या याइ । कॉम्प्युटरं थुज्वःगु ज्या छगू निश्चित निर्देशनया आधारय् याइ, थुज्वःगु निर्देशनया पुचःयात हे कॉम्प्युटर प्रोग्रॅम धाइगु खः । कॉम्प्युटर प्रोग्रॅमयात सॉफ्टवेर धाइसा कॉम्प्युटर पिनें खने दइगु कॉम्प्युटरया थीथी पाटपुर्जायात हार्डवेयर धाइ । हरेक कॉम्प्युटरय् क्वय् न्ह्यथना कथंया थीथी ब्व अनिवार्य रुपं दये हे माः ।