कराँची

कराँची (उर्दु: کراچی‎; सिन्धी: ڪراچي, IPA:  ( सुन्नुहोस्)) पाकिस्तानको सबैभन्दा ठूलो सहर हो। यो सिन्ध प्रदेशको राजधानी पनि हो। यो सहर अरब सागरको तटमा रहेको छ तथा पाकिस्तानको सबैभन्दा ठूलो बन्दरगाह पनि हो। जनसङ्ख्याको आधारमा यो पाकिस्तानको पहिलो र विश्वको सातौँ ठूलो सहर हो। ३५२७ वर्ग किलोमिटर क्षेत्रफल ओगटेको यस महानगरीय क्षेत्रमा सन् २०१७ को जनगणना अनुसार १ करोड ५० लाख मानिसको बसोबास रहेको छ। यहाँका निवासीहरू यो सहर जीवन्त भएकै कारणले यो सहरलाई प्रकाशको सहर साथै कयीदे अजम जिनाहको निवासस्थान भएको हुनाले शेहेरे अजम पनि भन्ने गरेका छन्। कराँचीलाई पाकिस्‍तानको सांस्‍कृतिक, आर्थिक र शैक्षिक राजधानी मानिने गरेको छ।