ओलाफ सोल्स

ओलाफ सोल्स (उच्चारण  ( सुन्नुहोस्)) (जन्म: सन् १९५८ जुन १४) एक जर्मन राजनीतिज्ञ तथा जर्मनीको वर्तमान चान्सलर हुन्। सन् २०२१ डिसेम्बर ८ मा उनी चान्सलरको रूपमा कार्यभार सम्हालेका हुन्। उनले सन् २०१८ देखि एन्जेला मर्केलको भाइस चान्सलर र अर्थमन्त्री भएर काम गरेका थिए। यस अघि उनी सन् २०११ देखि सन् २०१८ सम्म ह्यामबर्गको मेयर र सोसल डेमोक्रेटिक पार्टी (एसपिडी)का उपनेता थिए।  सन् २०२१ को जर्मन सङ्घीय निर्वाचनमा सोल्स चान्सलरको लागि पार्टीको उम्मेदवार थिए। यो निर्वाचनमा एसपिडी सबैभन्दा बलियो संसदीय दलको रुपमा उदाएपछि उनको चान्सलर बन्ने बाटो खुलेको थियो। सन् २०२१ नोभेम्बर २४ मा एसपिडी, एलाएन्स ९०/ द ग्रिन र फ्रि डेमोक्रेटिक पार्टी (फडिपी)ले गठबन्धन सरकार बनाउने सम्झौता गरेको थियो।