De Truncus costocervicalis (Rippen-Halsstamm) is en korte Arterie, de ’n beten sietlich vun de Arteria thoracica interna ut de Arteria subclavia aftwiegt.
Disse Fattstamm versorgt mit sien Aftwiegen de Twüschenwarvelrüüm I un II as ok de deepe Nackenmuskulatur
De Rippen-Halsstamm is bannig kort un deelt sik denn op in de Arteria cervicalis profunda („deepe Halsarterie“) un de Arteria intercostalis suprema („böverste Twüschenrippenarterie“).
De Arteria cervicalis profunda löpt twüschen de Dweerfoortsätz vun’n sövten Halswarvel (C7) un vun’n eersten Bostwarvel (Th1) na de depen Nackenmuskulatur, de se mit suerstoffriek Blood versorgt.
De Arteria intercostalis suprema tütt na ünnen in de Richt vun Hals vun de eersten Ripp un deelt sik dor noch mol op in de Arteria intercostalis posterior prima („eerste achtere Twüschenrippenarterie“) un de Arteria intercostalis posterior secunda („tweete achtere Twüschenrippenarterie“). Se versorgt de entsprekenden Twüschenwarvelrüüm I un II. Beide Arterien billt binnen de Twüschenwarvelrüüm Anastomosen mit de Rami intercostalis anteriores I et II („vördere Twüschenwarveläst I un II“), de ut de Arteria thoracica interna aftwiegt.
This article uses material from the Wikipedia Plattdüütsch article Truncus costocervicalis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.