Stückgoot
Stückgoot is in de Logistik allens, wat an'n Stück transporteert warrt.
De Begreep
Wie dat Stückgoot afgrenzt warrt
Stückgoot meent in de Logistik allens, wat sik an'n Stück hen- un herfohren lett, as Kisten, beladene Paletten, Maschinen oder Deele vun Anlagen, Kavel-, Papeer- oder Blickrullen un Fatten. De internatschonale Naam för so'n Transport-Eenheit is Kollo (Mehrtahl: Kolli). Keen Stückgoot is allens, wat fleten deit, as Eerdööl, oder Gas, wat sunner egen Tank oder Buddel direktemang in de Transportfohrtüge rinpumpt warrt. Sand, Köhle, Koorn un annere Faststoffe sund Schütt- oder Suuggoot, wenn se nich verpackt sund.
De Wöer Stückgoot un Sammelgoot weert faken overeen (synonym) bruukt. Man Sammelgoot meent an un for sik worraftig, datt sik dat dor um Stückgoot bi hannelt, dat eerst mol tohopensammelt warrt, dormit de Frachtruum beter utnützt weern kann un sik de Transport beter lohnen deit.
Transport vun Stückgoot
Stückgoot kann up Pritschenwagens, Lastwagens, in Containers oder in'n Laderuum vun en Fleger transporteert weern. Sunnerliche Transportboxen sund dor nich for nödig.
Fröher is Stückgoot sunnerlich up Stückgootscheepe un, vun de Iesenbahn, in Stückgootwaggons up Reis gahn. Hüdigendags weert meist blot noch Containers bruukt. De könnt in ganz verschedene Fohrtüge eenfach hen- un herbröcht weern.
This article uses material from the Wikipedia Plattdüütsch article Stückgoot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.