Spermatophore
En Spermatophore (up Platt Saatdreger) warrt bi allerhand Wörmer, Liddfööt, Weekdeerter, Kreefte un n Reeg vun Amphibien (Water-Steertüzen) bruukt, um de Saat bi dat Seken unner to bringen.
Dat hannelt sik dor um Saatbulten bi, de weert dör sunnerliche Substanzen tohopenbackt. Düsse Kleevstoffe weert in bestimmte Drüsen vun de Geslechtsorgane billt.
De Heken bringt de Spermatophoren nu up allerhand Aard in dat Lief vun de Seken unner: Se föhrt jem direktemang in, backt jem an de Seken an oder treckt de Seken over de Saatbulten, de up Steele an'n Grund anbacken doot. Anners is dat bi de Sülverfische. Dor leggt dat Heken en Saatbulten af un dat Seken finnt em later. Bi dat Overbringen vun Spermatophoren kummt dat to en binnere Befruchtung. So is weniger Saat to'n Befruchten nödig, as wenn dat butenliefs passeern dö. Normolerwiese hoolt sik de Deerter eerst mol länger mit en Vörspeel up, ehr se de Spermatophore overgeeft.
Literatur
- Christina Neuner: Die Funktion der Spermatophore im Paarungssystem von Tanatophilus sinuatus (Coleoptera Silphidae). Proteinbiochemische Untersuchungen und Bestimmung des Fortpflanzungserfolges. Dissertation, Universität Freiburg im Breisgau 1996.
Weblenken
- Webarchiv: [1] Spermatophoren bi Pieldintenfische (engelsch).
This article uses material from the Wikipedia Plattdüütsch article Spermatophore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.